22
belgilangan va ma’lum xususiyatlari bo‘yicha iste’molchilar
talabini qondiruvchi pishitilgan kalava iplarni olish mumkin.
Bir nechta yakka iplarni qo‘shib, pishitish orqali quyidagilarga
ma’lum darajada erishish mumkin:
– chiziqli kuchlanishni oshirish hamda ularning chiziqli zichligi
bo‘yicha bir tekisligini ta’minlash, cho‘zilishga, ishqalanishga
chidamligi va
elastikligini oshirish;
– gazlamada relyef shakldorni yaratish (yakka ipli kalavani
har yo‘nalishda pishitish orqali krepli effekt hosil qilish);
– yigirilgan ipda maxsus effektlarni hosil qilish (shakldor ip);
– turli rangdagi iplarni pishitish
orqali rang effektini hosil
qilish;
– buyum assortimentini kengaytirish va ularga kimyoviy
tolalardan tuzilgan ipdan foydalanishda ma’lum xususiyat berish;
– kimyoviy toladan tuzilgan iplarga qo‘shimcha buramalar
berish va h.k.
Pishitish jarayonidan maqsad bu
iplardan ishlab chiqilgan
buyumlar sifatini yaxshilash va ularga kerakli xususiyatni
berish.
Pishitish jarayoni
mohiyati shundan iboratki, bunda bir nechta
yakka iplar birgalikda qo‘shib pishitiladi. Ular
vintsimon chiziq
bo‘yicha buralib, bir-biriga o‘raladi, bunda iplar orasida radial
kuchlanish namoyon bo‘ladi.
Ma’lum xususiyatga ega bo‘lgan bir tekisda pishitilgan ip olish
uchun pishitilayotgan iplar bir xilda taranglikka (vintsimon chiziq
bo‘ylab joylashish qadami bir xil bo‘lishi kerak) ega bo‘lishi
va bir-biriga bir xilda chirmashishi kerak. Agar buralayotgan
iplar bir xilda cho‘zilmasa, bo‘sh tortilgan ip
tarang tortilgan
ipni chulg‘ab olishi mumkin, natijada pishitilgan ip nuqsonlari –
buralib ketish namoyon bo‘lishi mumkin.