|
Termiz davlat universiteti iqtisodiyot kafedrasi n. X. Turopova, J. E. Ashurov
|
| bet | 31/108 | | Sana | 18.07.2024 | | Hajmi | 146,5 Kb. | | #267806 |
Bog'liq Lugat iqtisodiyot UDKHissadorlik jamiyati – ko‘proq foyda olish maqsadida mehnat, mehnat qurollari va boshqa ishlab chiqarish vositalari hamda pul resurslarini birlashtirgan uyushmadir.
Hozirgi zamon puli - tovarlami ayirboshlashda umumiy ekvivalent rolini bajaruvchi, umum ko‘pchilik tomonidan tan olingan va davlat tomonidan qonuniylashtirilgan vosita.
Hududiy mehnat taqsimoti – muayyan mamlakat doirasida ayrim hududlar yoki mintaqalardagi mehnatning ixtisoslashuvi. Har bir hudud doirasida ham ichki ixtisoslashuv yuz beradi.
Hududning innovatsion salohiyati - uning yalpi innovatsion imkoniyatlari, takror ishlab chiqarish jarayonida innovatsion faoliyatini amalga oshirish bo‘yicha iqtisodiy munosabatlar tizimi va hududning yalpi innovatsion resurslari bilan ifodalanadi.
Huquqiy shaxs - fuqarolik sub’ekti sifatida faoliyat yurituvchi, musaqil balans, gerbli muhr va bankda hisob raqamiga ega, Nizom asosida faoliyat yurituvchi hamda baknrotga uchraganda o‘z mulki bilan javob beruvchi korxona.
I
Ichki axborotlar - korxona faoliyatiga tegishli bo‘lgan hali rasman e’lon qilinmagan ma’lumotlar. Birja bitimlarini tuzishda ichki axborotlardan foydalanish noqonuniy hisoblanadi.
Ichki milliy mahsulot - bir yil davomida mamlakat hududida vujudga keltirilgan va bevosita itte’molchilarga yetib boradigan barcha tayyor tovarlar va ko‘rsatilgan xizmatlarning bozor bahosidagi qiymati.
Ichki xarajatlar - korxonaning o‘ziga tegishli bo‘lgan resurslardan foydalanish natijasida vujudga keladigan xarajatlar.
IDTTS maqsadi - iqtisodiy va ijtimoiy barqarorlikni ta’minlash, iqtisodiy tizimni mustahkamlash va uni o‘zgarib turuvchi sharoitga moslashtirishga qaratiladi.
IDTTS usullari - tartibga solishning ma’muriy va iqtisodiy dastaklari birligidir.
Ijara - mulkni ma’lum bir haq to‘lash evaziga, vaqtinchalik foydalanishga berish to‘g’risidagi shartnomaga asoslangan holda yollash.
Ijara xaqi (to‘lovi) - yerdan foydalanuvchi tomonidan bir yilda yer egasiga to‘lanadigan pul mikdori.
Ijtimoiy – iqtisodiy munosabatlar - bu kishilar uchun zarur bo‘lgan hayotiy ne’matlarni ishlab chiqarish, taqsimlash, ayriboshlash va is’temol qilish jarayonida vujudga keladigan munosabatlar.
|
| |
