|
Termiz davlat universiteti toshaliyeva s. T., A. M. Abdurahmonov iqtisodiyotga oid
|
| bet | 228/485 | | Sana | 10.07.2024 | | Hajmi | 0,64 Mb. | | #267286 |
Bog'liq TOSHALIYEVA S.T. IZOXLI LUG\'AT (2)EKSPORT RESURSLARI — chet elga chiqarish va tashqi bozorda realizatsiya qilish uchun tayinlangan mahsulot, xizmatlar, ishlarning ayrim turlari, moliyaviy mablag‘lar; ayrim ishlab chiqaruvchilar tomonidan tuzilgan mamlakat eksport fondining bir qismi. E.r. xalqaro mehnat taqsimotiga aktiv kirishning natijasi hisoblanadi, ular import uchun moddiy shart-sharoit bo‘lib xizmat qiladi.
EKSPORT SALOHIYATI – milliy iqtisodiyotning jahon bozorlarida raqobatdosh bo‘lgan mahsulotlarni ishlab chiqarish hamda ularni jahon narxlari bo‘yicha yetarli hajmlarda eksport qilish qobiliyati.
EKSPORT TOVAR — korxona qayerga yetkazishni amalga oshirishni mo‘ljallagan mamlakatda (mamlakatlar guruhi) tegishli bozor segmentlarini — talablarini jiddiy analiz qilgandan keyin yaratilgan tovar. E.t. ishlashda ushbu talablarning o‘zgarish imkoniyatlarini, huquqiy, servis, reklama ta’minotini hisobga olish zarur. Faqat shunday tovargina eksportni barqaror kengaytirish va uning samaradorligini oshirishga kafolat berishi mumkin.
EKSPORT TOVAR QIYMATI — agarda ulgurji bahoda, yuklarni tashish va ularni saqlash bo‘yicha xarajatlarda hisobga olingan bo‘lmasa tovarni tayyorlovchi korxonadan chegaraga olib borish bo‘yicha eksport bajarish va transport xarajatlari uchun ustamani hisobga oluvchi oborotdan soliqsiz ulgurji baholardagi sotiladigan qiymat summasi.
EKSPORT YOKI IMPORTGA LITSENZIYA — davlat boshqaruv organlari tomonidan ma’lum sifatga ega bo‘lgan u yoki bu tovarlar guruhini tashqi savdo operatsiyalarini amalga oshirishga berilishi. Eksport-import litsenziyalar ikki turda bo‘lishi mumkin: general va bir martalik.
EKSPORT QILINADIGAN BUYUMLARNING KOMPLEKS YURIDIK HIMOYASI — patent qilingan buyumlardan foydalanadigan firmaga mahsulotni chet elda kafolatli, to‘xtovsiz ishlab chiqarish va sotishga imkon beruvchi eksport operatsiyalari patent — huquqiy himoyalanishining chora-tadbirlari majmui. Patent himoyasi raqobat va bozorni monopollashtirish metodi sifatida qo‘llaniladi.
|
| |
