|
IQTISODIY KON’YUNKTURA (grek., lot.)
|
| bet | 343/485 | | Sana | 10.07.2024 | | Hajmi | 0,64 Mb. | | #267286 |
Bog'liq TOSHALIYEVA S.T. IZOXLI LUG\'AT (2)IQTISODIY KON’YUNKTURA (grek., lot.) — ma’lum davrda jahon yoki mamlakatlar xo‘jaligi region yoki tovar yig`indisini ifodalovchi ko‘rsatkichlarni xarakterlaydigan, yuzaga kelgan iqtisodiy holat, vaqtinchalik vaziyat. Ishlab chiqarish va qurilish dinamikasi, ichki va tashqi savdo, tovar zahiralari, baho, foiz, qimmatbaho qog‘ozlar kursi, foyda harakati, ishlab chiqarish quvvatlari bilan ta’minlash darajasi, ishlab chiqarish xarajatlari dinamikasi, ish bilan band bo‘lganlar va ishsizlar soni, ish haqining dinamikasi va h.k. shunday ko‘rsatkichlar hisoblanadi. Bu har xil omillar ta’sirida bo‘ladi (iqtisodiy, siyosiy, ijtimoiy, texnik tabiiy-biologik va h.k.).
IQTISODIYOTNI LIBERALLASHTIRISH – xo‘jalik hayotining barcha sohalaridagi to‘siq hamda cheklovlarni, shuningdek, davlat nazoratini keskin ravishda qisqartirish yoki bekor qilishga yo‘naltirilgan chora-tadbirlari tizimi.
IQTISODIY MAKON – muayyan davlatlararo hudud. Iqtisodiy makon iqtisodiy- ijtimoiy munosabatlarning birligini yoki qaysidir darajada o‘zaro o‘xshash xususiyatlari bilan yaqinligini taqozo etadi. Yagona iqtisodiy makon ishlab chiqarish kuchlari va vositalari taraqqiyotining bir xil darajada tutish, yagona iqtisodiy-ijtimoiy jarayonlar bilan qamrab olinganligi, ko‘zlangan taraqqiyot usullari va maqsadlarining umumiyligi bilan xarakterlanadi. Tabiiy, iqtisodiy-ijtimoiy, siyosiy omillar bilan bir-biriga bog‘langan davlatlar o‘zaro kelishgan holda kuch va imkoniyatlarini birlashtirish yo‘li bilan o‘z imkoniyatlaridan to‘laroq foydalanishga intiladilar. O‘zaro yaqinlikni, yagona iqtisodiy makon mavjudligini bahona qilib mustamlakachi davlatlar tomonidan o‘z sobiq mustamlakalari ustidan iqtisodiy, keyinchalik esa siyosiy huquqlarini qayta tiklashga urinish hollari tarixda ma’lum.
IQTISODIY MANFAAT – 1) bu iqtisodiy ehtiyojlarni aks etishi shakli; 2) bu iqtisodiy ehtiyojlarning nomoyon etish shaklidir.
IQTISODIY MANFAATLAR- bu kishilarni harakatga keltiruvchi, ularni hatti-harakatini, intilishini, xulq-atvorini belgilovchi kuch. Shaxs, jamoa, davlat va milliy manfaatlardan iborat.
|
| |
