|
Termiz davlat universiteti toshaliyeva s. T., A. M. Abdurahmonov iqtisodiyotga oid
|
| bet | 478/485 | | Sana | 10.07.2024 | | Hajmi | 0,64 Mb. | | #267286 |
Bog'liq TOSHALIYEVA S.T. IZOXLI LUG\'AT (2)LOKO (ital.) — qimmatbaho qog‘ozlar yoki chet el valutasi bilan bitim, bunda hisobkitob bitim qayerda tuzilgan bo‘lsa, o‘sha birjada naqd amalga oshiriladi.
LOKO NARXI - keyingi tashish xarajatlarini o‘z ichiga olmaydigan sotuvchi belgilagan narx.
“LOKT-IN” - sarmoya qiymatining oshishi solig‘i olinishiga sabab bo‘lganligi tufayli investor daromad keltiruvchi qimmatli qog‘ozlarni sotishdan xavfsirab qoladigan vaziyat.
LOMBARD — harakatdagi mulkni garovga qo‘yish orqali qarzga pul beruvchi kredit muassasasi.
LOMBARD BILET — lombardlar tomonidan buyum egasiga ssuda olganda beriladigan guvohnoma.
LOMBARD KREDIT — yengil realizatsiya qilinadigan harakatdagi mulkni garovga qo‘yib beriladigan qisqa muddatli kredit. Garov kreditning qaytishini ta’minlaydi, garovning qiymati odatda uning summasidan oshiq bo‘ladi. Qarzdor kreditordagi garovga qo‘yilgan mulkka egalik huquqini saqlaydi. Agarda kredit o‘z muddatida qoplanmasa, mulkka egalik huquqi kreditorga o‘tadi.
LOMBARD SSUDASI - oson sotiladigan qo‘chma mulkni garovga olib, qisqa muddatga beriladigan qarz.
LONDON KLUBI — 1) o‘z hukumatlarining kafolatlarisiz Sobiq ittifoqqa ssuda taqdim etgan 600 yirik g‘arb bank-kreditorlarning birlashmasi. 1996 yilda Rossiya va London klubi o‘rtasida kelishuvga erishilgan bo‘lib, unga muvofiq 32 mlrd. AQSh dollari miqdoridagi Rossiyaning tashqi qarzi (shundan, 25 mlrd. AQSh dollariasosiy qarz, 7 mlrd. AQSh dollari esa-asosiy qarz bo‘yicha to‘lanmagan foizlar) muddatidan oldin restmkturizatsiya qilingan va unga ko‘ra, bu qarz navbatdagi 25 yilga qayta rasmiylashtirilgan va 5 yillik imtiyozli davr taqdim etilgan edi; 2) L.k. xususiy sektorga kiruvchi xo‘jalik sub’ektlarining tashqi qarzlarini tartibga solish bilan shug‘ullanuvchi xalqaro klub.
LORENTS EGRI CHIZIG‘I – daromadlar tengsizligi darajasini miqdoriy aniqlashni xarakterlaydi.
LORO (ital.) — 1. Bank tomonidan o‘z bank-korrespondentlariga ochiladigan hisoblar, bunda ularning topshirig‘iga binoan barcha o‘tkaziladigan operatsiyalar ifodalanadi; 2. Mavjud kredit muassasasida bank-korrespondent hisobi vostro deb ataladi; 1. Ayrim paytda L. mamlakat bankida chet el bank-korrespondent nomiga xalqaro hisobkitoblar bo‘yicha korrespondent hisob turi sifatida sharhlanadi.
|
| |
