uni zaharliligini oshiradi. O„tkir nosistematik zaharlanishlar jabrlanuvchini ochiq
havoga olib chiqilsa, kislorod bilan nafas oldirilsa tez va izsiz o„tib ketadi.
Mehnat muhofazasining amal qiluvchi normalariga ko„ra
ish joylaridagi havoda
benzin bug„larining miqdori 1 l havoda 0,3 mg dan oshib ketmasligi kerak. Bu
normalarni ta‟minlash uchun ekstraksiya sexlarida havoni tortib oluvchi
ventilyatsiyalar o„rnatiladi. Ayniqsa benzin bug„lari yig„iladigan va ko„p
ajraladigan joylarga mahalliy so„rgichlar o„rnatish yo„li
bilan jadal aspiratsiya
qilinadi. Benzin alangalanishi yuz bersa, kichik
uchqunlarni uchirish uchun
avtomatik olov o„chirish sistemasidagi to„yingan bug„dan foydalaniladi.
Shuningdek ko„pikli o„t o„chirish moslamalari va qum ishlatiladi.
Dixloretan (ikkixloretan). CH2CL – CH2CL, hidi xloroformni eslatadi.
O„ta zaharli, bug„larini havodagi miqdori 0,05 mg/l dan oshmasligi kerak. Uni
gidrolizga uchrashi va HCL ajralishi, uskunalarni kuchli zanglatadi. Yong„inga
xavfliligi pastroq. 1950 yillargacha MDHda erituvchi sifatida foydalanilgan.
To‘rtxloruglerod CCL4 qiyin alangalanadigan, havo bilan har qanday
nisbatdagi aralashmasi portlamaydi. Moy va yog„simon moddalarni yaxshi eritadi.
Harorat va bosimni oshirishga chidamsiz. Suv ishtirokida CO2
va HCL ga
parchalanadi. Bug„lari narkotik xususiyatga ega. AQSH da ishlatiladi.
Benzol C6H6 ning eritish xususiyati benzindan yuqori. Benzol kuchli zahar
hisoblanadi, asabga ham ta‟sir qiladi, benzol boshqa erituvchilarga nisbatan inson
organizmini tezda zaharlash qobiliyatiga ega. MDX da benzol sanoat erituvchisi
hisobida qo„llanilmaydi.