Toshkent arxitektura qurilish instituti

46 
Yozgi xonalarning quyidagi turlari bo‘ladi: osma ayvon (ochiq balkonlar), 
peshayvon (lodjiya), rovon ayvon (veranda), terassa (3.7- rasm).
3.7-rasm. Xonadonlardagi ochiq xonalar: A) 1- franstuz balkoni; 2- ochiq konsolli 
ayvon; 3- burchakli ayvon; 4-5- peshayvon; 6-ochiq terrasa (keyinchalik 
oynaklanishi mumkin bo‘lgan-rovon ayvon); B) ayvon va peshayvonlarning 
to‘siqlari: a-plitadan yuqoriga ko‘tarilgan to‘siq; b-plitadan pastga tushirilgan 
to‘siq; v- 9-qavatdan yuqori uylarda; g- 9-qavatgacha bo‘lgan uylarda; V) terassali 
uylar. 

47 
Agar biz yozgi xonalarga yig‘ma yoki chiqarib olinadigan derazalar ishlatsak 
ayvonlarni transformatsiya qilish yo‘li bilan yopiq holatidan ochiq holatga 
aylantirish mumkin. Lekin, yozgi xonalarda oynalarni ishlatish bir tomondan ularni 
foydalanish vaqtini ko‘paytirishi bilan birga ular orqasida joylashgan boshqa 
xonalarni shamollatishga va yoruqlikni to‘liq tushishiga noqulaylik yaratadi. 
Shuning uchun bu usulni ba’zi bir loyihalarda ishlatish mumkin, agarda asosiy 
xonalarga yorug‘lik yozgi xonalar orqali tushmasa. 
Yozgi xonalarning vazifasi har xil bo‘ladi. Umumiy xona yoki yotoqxonalar 
bilan oynaband yig‘iladigan to‘siqlar orqali bo‘linsa yaxshi bo‘ladi va vaqti kelganda 
ular birlashtirilib yuboriladi.
Yordamchi yozgi xonalar oshxonalar yaqinida joylashgan bo‘lib, ular oshxona 
uchun omborxona vazifasini o‘taydi. Lekin, har bir Turar-joy xonalari oldiga 
yordamchi yozgi xonalar joylashtirish juda qimmatga tushib ketadi. Shuning uchun 
loyihalash amaliyotida bitta universal yozgi xona ishlatiladi. Bunday xona umumiy 
xona va oshxona yaqiniga joylashgan bo‘lib, ular bilan to‘g‘ridan-to‘g‘ri bog‘langan 
bo‘lishi kerak.
Yozgi xonalar o‘rta va katta xonadonlar uchun umumiy xonadon sathining 20% 
ni tashkil qilishi kerak, lekin bu 1 xonali xonadonlar uchun kichkinadir. Bunday 
xonadonlar uchun yozgi xona sathini salgina oshirishga to‘g‘ri keladi. Universal 
yozgi xonalarning eni 2 metrdan kam bo‘lmasligi kerak, chunki shundagina bu yerda 
stol, stul, supacha va krovatni bemalol joylashtirish mumkin bo‘ladi. Lekin asosiy 
xonalar yozgi xonalar orqali yoritilsa, ularning kengligi 2,5 metrdan oshmasligi 
kerak. Oynavand yozgi xonalar maydoni bir xonali kvartira uchun 5m
2
dan, eni 
1,4m; uch xonalikda 10m
2
dan kam bo‘lmasligi kerak. 
Yozgi xonalardan unumli foydalanish ularning oriyentatsiyasiga bog‘liqdir. 
Agar yozgi xonalar shimol yoki janub tarafga qarab joylashtirilsa, ulardan kun bo‘yi 
foydalanish mumkin. Agar yozgi xonalar sharq tarafga qaratib joylashtirilgan bo‘lsa, 
bu xonalardan ertalab foydalanish noqulaydir. Yozgi xonalar g‘arb tarafga qarab 
joylashtirilganda ulardan kunning ikkinchi yarmida, ya’ni peshindan keyin 
foydalanish qiyinlashadi, bu xonalarning isib ketishiga olib keladi.

48 
Shimolga qaratilgan ayvonlar uy ro‘zg‘or buyumlarini saqlashga qulaydir. 
Janubga qaragan xonalardan kun bo‘yi foydalanish mumkin, lekin ularni, albatta 
quyoshga qarshi gorizontal qurilmalar bilan jihozlash zarur. 
Yashash uchun mo‘ljallangan yozgi xonalarni shovqindan va har tomonlama 
ko‘rinishdan himoya qilmoq zarur. Shuning uchun ko‘pincha yon tomondagi devorlar 
yopiq holatda qurilishi kerak. Yozgi xonalarning pollari sovuq, ya’ni muzdek, plitka, 
plastinka bo‘lishi mumkin. Yog‘och polli xonalar faqat oynavand yozgi xonalarda 
bo‘lishi mumkin. 

Download 18,93 Mb.