Ishlab chiqarish kooperativi – fuqarolarning shaxsiy ishtiroki
a‟zolarning (ishtirokchilarning) mulki bilan qo‟shiladigan pay badallarini
birlashtirish asosida birgalikda ishlab chiqarish yoki boshqa xo‟jalik
faoliyatini olib borish uchun a‟zolik negizidagi ixtiyoriy birlashmasi.
Ishonchnoma – bir shaxs (ishonch bildiruvchi) tomonidan ikkinchi
shaxsga (ishonchli vakilga) uchinchi shaxslar oldida vakillik qilish uchun
berilgan yozma vakolat.
Jamoat birlashmalari – ma‟naviy yoki o‟zga nomoddiy ehtiyojlarni
qanoatlantirish uchun o‟z manfaatlarining mushtarakligi asosida qonunda
belgilangan tartibda birlashgan fuqarolarning ixtiyoriy birlashmalari.
Jamoat fondi – yuridik va (yoki) jismoniy shaxslar tomonidan
ixtiyoriy mulkiy badallar qo‟shish asosida tashkil etilgan, xayriya,
ijtimoiy, madaniy, ma‟rifiy yoki boshqa ijtimoiy foydali maqsadlarni
ko‟zlaydigan, a‟zoligi bo‟lmagan nodavlat notijorat tashkiloti.
Kafillik – bir shaxs - kafilning boshqa shaxs o‟z majburiyatini to‟la
yoki qisman bajarishi uchun uning kreditori oldida javob berishni o‟z
zimmasiga olishi.
Kafolat – bank, boshqa kredit muassasasi yoki sug‟urta tashkiloti
(kafil) boshqa shaxs (prinsipal)ning iltimosiga ko‟ra kafil o‟z zimmasiga
olayotgan majburiyat shartlariga muvofiq prinsipalning kreditori
(benefitsiar) pul summasini to‟lash haqida yozma talabnoma taqdim etsa,
pulni unga to‟lash haqida prinsipalga yozma majburiyat berishi.
Kazual bitim – mazmun jihatidan muayyan maqsadga erishishga
qaratilgan va haqiqiy deb hisoblanishi uchun mavjud asosga bevosita
bog‟liq bo‟lgan bitim.
10
Konsensual bitim - huquq va majburiyatlarni o‟zaro kelishish va
bunday kelishuvni lozim tartibda rasmiylashtirish paytida vujudga
keladigan bitimga aytiladi. Mulk ijarasi, mahsulot yetkazib berish, pudrat,
kontraktatsiya singari shartnomalar konsensual bitim hisoblanadi.
