1.Diplom oldi amaliyotida ishlab chiqarish sexlari bilan tanishish. Sexlardagi texnologik jarayonlarni va ish joyini ratsional tashkil etish , jihozlar va asbob –uskunalarni ishlatish qoidasi va sanitariya –gigiena xavfsizlik texnikasi.
Diplom oldi amaliyotida ishlash qoidalarini bilmasdan jihoz va apparatlarda ishlamaslik,ish boshlashdan oldin elektr jihozlarni yerga ulanganligini tekshirish.Taom tayyorlashni boshlashdan oldin ishlatiladigan elektr asboblari va jihozlarining sozligini tekshirish.
Yarim tayyor mahsulotlarni qovurayotganda ehtiyot bo’lish,tovadagi qizigan yoqqa mahsulotni sekin-asta,tovaning bir chetidan solish kerak,ularni patnisga olayotganda o’zingizdan narigi tomonga qaratib tanlash lozim.
Suyuqlik qaynab turgan idishning qopqog’ini o’zingizga teskari tomonga qaratib ochish kerak.
Diplom oldi amaliyoti o’tash jarayonida sanitariya-gigiena qoidalariga rioya qilish zarur.Sanitariya kiyimlariga kurtka yoki xalat,qalpoqcha yoki doka ro’mol,fartuk,sochiq,terni artish uchun ro’molcha,shim yoki maxsus poyafzallar kiradi.Sanitariya kiyimlari ixcham,chiroyli tashqi ko’rinishga ega bo’lishi kerak.
2.Qaynatmalarni tayyorlash. Borshch, rassolnik suyuq oshlarning tayyorlash.
Rassolnik taomini tayyorlash.
Qaynab turgan suvga tayyorlangan arpa yormasi solinadi 10-15 minut qaynatiladi. Keyin to’g’ralgan kartoshka solinib, qaynab chiqquncha baland olovda qizdiriladi, petrushka , chala qovurilgan sabzi, piyoz hamda porey piyoz qo’shiladi-da, yana 5- 10 minut qaynatiladi, yopiq idishda pishirilgan bodring solinadi, qaynatish oxiriga tuz, ziravorlar qo’shiladi, tuzlangan bodring suvi quyiladi va pishguncha qaynatiladi.
Suzib berishda idishga sho’rva quyiladi, smetana, ko’katlar solinadi.
3.Go‘shtli okroshka va sabzavotli pyuresimon suyuq oshlarni tayyorlash.
Kartoshkali pyure suyuq oshi.
Sabzi,piyoz,petrushka ildizi to’g’ralib jazlanadi.Kartoshka qaynab turgan qaynatma yoki suvda yarim tayyor holgacha qaynatilgandan so’ng,jazlangan sabzavot qo’shib yumshoq,ezilarli darajagacha pishiriladi.Sabzavotlar suzib olinib eziladi va oq sardak,qaynatma tuz qo’shilib aralashtirgan holda qaynatilib tayyor holga keltiriladi,taomga lezon yoki qaynoq sut bilan sariyog’ qo’shib aralashtiriladi.
Tarqatishda chuqur likobchada garnir jazlangan piyoz,kartoshkali pyure suyuq oshi suziladi,alohida likobchada qotgan non tortiladi.
|