4.Sardaklarni va garnirlarni tayyorlash.
Oq qayla uchun qaynatma sho’rva tayyorlanadi. Ildizlar va piyoz kokila qilib to’g’raladi. Tagi qalin idishda un margarinda och sariq ranga kirguncha qovuriladi. Ushbu un issiqligida bir necha galda issiq (80°) go’sht qaynatmasi bilan suyultirilib bir jinsli bo’tqa hosil qilinadi. Bu ish yog’och kurakcha bilan aralashtirib turgan holda bajariladi. Bo’tqaga tayyorlab qo’yilgan sabzavotlar qo’shilib, 30 min pishiriladi, pishirish vaqtida betidagi ko’pik olib turiladi. Tayyor bo’lgan qaylaga tuz, limon kislotasi qo’shilib, keyin suzg’ichdan o’tkaziladi va yana qaynatiladi. Suzg’ichdan o’tkazish vaqtida, hil-hil pishgan ildizlar va piyozni ezg’ilash mumkin. Qaynatib va yopiq idishda pishirilgan parranda va go’shtga qo’shib beriladi. Agar oq vaju sho’rvalar, go’shtni qizartirib qovurish va hosila vajular tayyorlash uchun ishlatiladagan bo’lsa, unga limon kislotasi va margarin qo’shiladi.
5.Sabzavotli ragu, kartoshkali zrazi, kartoshkali zapekanka taomlarni tayyorlash.
Kartoshkali zrazi taomini tayyorlash.
Oldin kartoshka bo’tqasi tayyorlanadi. Buning uchun kartoshka tozalanib, qaynatiladi, bir oz qurutiladi, issiqligida ezg’ilanadi, keyin 40-50°C gacha sovitiladi, tuxum qo’shib yaxshilab aralashtiriladi. Porsiyalarga bo’linadi, kulcha shakli beriladi, o’rtasiga qiyma solinib, chetlari birlashtiriladi, qoq non tolqoni yoki bug’doy uniga bulanadi, chetlari ovalsimon g’ishtchalar yasaladi. Tayyorlangan yarim tayyor mahsulot qizdirilgan yog’li tunuka tovaga qo’yilib, ikki tomoni qovuriladi va qovurish javonida tobiga keltiriladi.
Qiyma tayyorlash uchun no’shpiyoz kokila qilib to’g’raladi, chala qovuriladi va maydalab to’g’ralgan pishgan tuxum, to’g’ralgan petrushka, tuz, yanchilgan murch qo’shilib, hammasi aralashtiriladi. Tuxum o’rniga qaynatib pishirilib, mayda to’g’ralgan qo’ziqorin yoki kokila qilib to’g’ralgan hamda yopiq idishda margarinda pishirilgan sabzi qo’shish mumkin.
Suzib berayoganda zrazilar taqsimcha yoki porsiyali idishga solinib, ustiga sariyog’ quyiladi.
|
