Fan: Matematika Sinf:_______________Sana

Mavzu: Narsalarning sanog`i

Darsning maqsadi.:

1)O`quvchilarga narsalar, tovushlar harakatlarini sanashga, ularning ketma-ketligini to`g`ri aniqlashga o`rgatish.

2) O`quvchilarni tabiatga ongli munosabatda bo`lishga chaqirish

3) O‘quvchilarga turmushda narsa-buyumlardan to`g`ri foydalanishda hayotiy ko`nikmalarini shakllantirish.

Dars turi: Yangi bilim beruvchi.

Dars metodlar: Suhbat, savol-javob, mustaqil ish.

Dars jihozlari: Darslik, tarqatma materiallar, mavzuga doir plakatlar.

Darsning borishi:

I.Tashkiliy qism:

O`quvchilarning darsga tayyorgarligini ta`minlash

O`quvchilarning diqqatini darsga jalb etish.

II.O’tilgan mavzuni so’rash va mustahkamlash.

Uyga berilgan vazifa parta oralab tekshirib chiqiladi. O`quvchilarning qo`l motorikasining shakllanishi o`rganiladi.Partada o`tirish qoidalari, ruchkalarni to`g`ri ushlash qoidalari takrorlanadi.To`g`ri va chiroyli yozgan o`quvchilarning daftarlari namuna qilib ko`rsatiladi.O`rganilgan mavzular yuzasidan qisqa takrorlash o`tkaziladi.

Bundan tashqari “Ko`zlar uxlayapti, qo`llar ishlayapti” o`yini o`ynatiladi. O`qituvchi turli xil predmaetlarni ko`rsatadi. O`quvchilar uning uzun-qisqaligi, katta-kichikligini eslab qoladilar. So`ng barchasi xaltachaga solinadi. O`quvchilar ko`zlari yumuq holda xaltachadan tanlab olingan predmetlarni aytib o`tadi.

III.Yangi mavzu bayoni:

So`ng yangi mavzu o`qituvchi tomonidan e`lon qilinadi. Yangi mavzu ekran orqali yoki rasmlar yordamida tanishtiriladi. Ekranda yoki rasmlar orqali predmetlar navbat bilan ko`rsatiladi. O`quvchilar predmetlar nomini aytadilar va sanaydilar: bitta koptok, ikkita quyon, uchta choynak, to`rtta anor, beshta nok, oltita olma, yettita jo`ja, sakkizta o`rdak, to`qqizta qo`ng`iz, o`nta kubik kabi. Ularning ketma-ketligini aniqlash uchun “Quyondan avval nima turibdi? Undan keyinchi? Jo`ja nechanchi o`rinda turibdi? ” kabi savollar beriladi. Berilgan predmetlarning rangi ham o`quvchilar bilan birgalikda savol-javob qilinadi.Shu o`rinda kop`tokdan qanday maqsadda foydalaniladi, mevalarning inson hayotidagi o`rni haqida suhbat o`tkazish maqsadga muvofiq. Quyon qanday hayvon ekanligi, jo`ja va o`rdak nimasi bilan o`xshashligi so`raladi.

O`quvchilar bilan dam olish daqiqasi o`tkaziladi.

Kulrang g`ozlar uchdilar,

Ko`lmakchaga qo`ndilar.

U yon-bu yon qarashib,

Yana uchib ketdilar.1,2,3...

IV. Mustahkamlash.

Yangi mavzuni mustahkamlash uchun o`quvchilar bilan darslikdagi rasmlar asosida ishlar olib boriladi.Darslikning 12-sahifasida ko`rsatilgan geometrik shakllar o`quvchilarga tanishtiriladi.Geometrik shakllardan narsalar yasab ko`rsatiladi va ranglari aniqlanadi.

“Nima o`zgardi?” o`yini ham o`tkaziladi.

Har xil rangdagi, kattaligi har xil bo`lgan meva va shakllarning rasmi stol ustiga qo`yiladi. Dastlab o`yinni o`quvchilarning qobiliyatiga qarab o`tkazish mumkin. O`quvchi teskari qarab turadi. O`qituvchi stoldagi predmetlarning birortasini oladi yoki urgan o`rnini o`zgartiradi. O`quvchi nima o`zgarganini topishi kerak bo`ladi. O`yin shu tariqa davom ettiriladi.

So`ng “Matematika daftari” bilan ham ishlanadi. Dastlab o`qituvchi tomonidan berilgan topshiriqlar doskada tushuntiriladi. So`ng o`quvhilar tomonidan bajartiriladi. O`quvchilarga amaliy yordam ham berib boriladi.

V. O`quvchilarni baholash.

Darsda faol qatnashgan o`quvchilar baholanadi.

VI. Uyga vazifa berish, darsni yakunlash:

Uyga vazifa matematika daftaridagi topshiriqlarni bajarib kelish topshiriladi.Dars yakunlandi.
“Ko`rib chiqildi va tasdiqlandi” O`TIBDO`: ________ Sana ___________

11-dars

Mavzu: 1 soni bilan tanishtirish

Darsning maqsadi.:

1)O`quvchilarga 1 raqami va 1 soni bilan tanishtirish, 1 dan 10 gacha bo`lgan sonlar ketma-ketligida narsalarni sanashni o`rgatish.

2) O`quvchilarda odob-axloq madaniyatini shakllantirish, sotuvchi va oluvchi o`rtasidagi muomala madaniyatini tushuntirish, tabiatni sevishga o`rgatish.

3) O‘quvchilarning fikrlash qobiliyatini, tafakkurini o`stirish, sezgilarini rivojlantirish.

Dars turi:Aralash.

Dars metodlar: Suhbat, savol-javob, mustaqil ish.

Dars jihozlari: Darslik, tarqatma materiallar, mavzuga doir plakatlar. AKT

Darsning borishi:

I.Tashkiliy qism:

O`quvchilarning darsga tayyorgarligini ta`minlash

O`quvchilarning diqqatini darsga jalb etish.

II.O’tilgan mavzuni so’rash va mustahkamlash.

Uyga berilgan vazifa parta oralab tekshirib chiqiladi. O`quvchilarning qo`l motorikasining shakllanishi o`rganiladi.Partada o`tirish qoidalari, ruchkalarni to`g`ri ushlash qoidalari takrorlanadi.To`g`ri va chiroyli yozgan o`quvchilarning daftarlari namuna qilib ko`rsatiladi.O`rganilgan mavzular yuzasidan qisqa takrorlash o`tkaziladi.

Bundan tashqari “Xaltachada nima yashiringan?” o`yini o`ynatiladi. O`qituvchi o`quvchilarga katta yoki kichik kubiklarni, katta yoki kichik koptokchani olib ber deb murojat qiladi. O`quvchilar xaltachadan shu narsalarni qo`l ezgilari orqali topib olib beradilar.Barchasi stol ustiga qo`yiladi va taqqoslanadi, ranglari aytib o`tiladi.

III.Yangi mavzu bayoni:

So`ng yangi mavzu o`qituvchi tomonidan e`lon qilinadi. Yangi mavzu ekran orqali yoki rasmlar yordamida tanishtiriladi. Ekranda yoki rasmlar orqali o`quvchilar diqqati 13-betdagi rasmga qaratiladi.

• 
  O`yinchoqlar do`konida nimalar bor?
  
• 
  Siz koproq qaysi o`yinchoqni yaxshi ko`rasiz?
  
• 
  O`yinchoqlar do`konida kimlarni va qanday o`yinchoqlarni ko`ryapsiz?
  
• 
  Do`konda kim, nimalar sotib olayotgani haqida gapirib bering.
  
• 
  Koptoklar nechta? Ayiqlarchi?
  
• 
  Do`kondan yana nimalar sotib olish mumkin?
  

So`ng o`qituvchi tomonidan 1 soni ko`rsatiladi.

Bir degan sanoq sonman,

Sanash uchun osonman.

Bitta yurak, bitta bosh,

Bitta oy-u, bir quyosh.

Har bir predmetning rasmi ko`rsatiladi va 1 soni bilan tanishtiriladi. 1 sonining yozilishi ko`rsatiladi.

2-misol og`zaki bajariladi. O`quvchilar o`yinchoqlarning nomini va nechtadan ekanligini aytib o`tishlari kerak. ( bitta raketa, bitta aiyiqcha, bitta toychoq, bitta traktor)

O`quvchilar bilan dam olish daqiqasi o`tkaziladi.

IV. Mustahkamlash.

Yangi mavzuni mustahkamlash uchun o`quvchilar bilan darslikdagi3 misol bajariladi.Rasmga qarab o`quvchilar uy hayvonlaridan bitta sigir, bitta qo`y, bitta echki, bitta it, bitta mushuk borligini aytib beardilar. Shu o`rinda hayvonlarga yaxshi munosabatda bo`lish kerakligi. Ular ham tabiatning bir bo`lagi ekanligi aytib o`tiladi.

4-misol og`zaki. Berilgan geometrik shakllarning nomi, rangi, o`rni so`raladi.

So`ng “Matematika daftari” bilan ham ishlanadi. Dastlab o`qituvchi tomonidan berilgan topshiriqlar doskada tushuntiriladi. So`ng o`quvhilar tomonidan bajartiriladi. O`quvchilarga amaliy yordam ham berib boriladi.

V. O`quvchilarni baholash.

Darsda faol qatnashgan o`quvchilar baholanadi.

VI. Uyga vazifa berish, darsni yakunlash:

Uyga vazifa matematika daftaridagi topshiriqlarni bajarib kelish topshiriladi.Dars yakunlandi.

“Ko`rib chiqildi va tasdiqlandi” O`TIBDO`: ________ Sana ___________

12-dars

Mavzu: 2 soni bilan tanishtirish

Darsning maqsadi.:

1)O`quvchilarga 1 soni haqida egallagan bilimlarini boyitib borish, 2 sonini yozilishini o`rgatish.

2) Dars davomida misol-masalalarni yechish orqali o`quvchilarning ziyraklik, topqirlik, mustaqil fikrlash qobiliyatlarini tarbiyalash.

3) O‘quvchilarning fikrlash qobiliyatini, tafakkurini o`stirish, sezgilarini rivojlantirish.

Dars turi:Yangi bilim beruvchi.

Dars metodlar: Suhbat, savol-javob, mustaqil ish.

Dars jihozlari: Darslik, tarqatma materiallar, mavzuga doir plakatlar. AKT

Darsning borishi:

I.Tashkiliy qism:

O`quvchilarning darsga tayyorgarligini ta`minlash

O`quvchilarning diqqatini darsga jalb etish.

II.O’tilgan mavzuni so’rash va mustahkamlash.

Uyga berilgan vazifa parta oralab tekshirib chiqiladi. O`quvchilarning qo`l motorikasining shakllanishi o`rganiladi.Partada o`tirish qoidalari, ruchkalarni to`g`ri ushlash qoidalari takrorlanadi.To`g`ri va chiroyli yozgan o`quvchilarning daftarlari namuna qilib ko`rsatiladi.O`rganilgan mavzular yuzasidan qisqa takrorlash o`tkaziladi.

1 soni qanday son ekanligi , uning yozilishi so`raladi. Rasmda bittadan berilgan predmetlar so`raladi. So`ng “Qarsak ” mashqi o`tkaziladi. O`qituvchi bir mrta qarsak chalganda o`quvchilar qo`llarini ko`tarmaydilar, ikki marta qarsak chalganda qo`llarini ko`taradilar. Bu mashq orqali o`quvchilarning ziyrakligi oshirilib boriladi.

III.Yangi mavzu bayoni:

So`ng yangi mavzu o`qituvchi tomonidan e`lon qilinadi. 2 soniga oid she`r o`qib eshittiriladi:

Ikki degan nomim bor,

Ikki “bir”dan men tayyor.

Ikki qo`l, ikki oyoq,

Ikki ko`z, ikki quloq.

Ota-ona ikki jon,

Ikkisi ham mehribon.

Juft bo`ladi ikki tog`,

Meni yaxshi bil o`rtoq.

Yangi mavzu ekran orqali yoki rasmlar yordamida tanishtiriladi. Ekranda yoki rasmlar orqali o`quvchilar diqqati qaratiladi.

Bir va ikki sonlar qatnashgan raqamlar ko`rsatiladi. O`quvchilarga ikki soni qaysi raqamdan keyin kelayotgani haqida tushuncha beriladi. Bunda ularning fikrlash qobiliyatini rivojlantirishga e`tibor qaratiladi. 1 dan 10 gacha bo`lgan sonlarni ketma-ket sash jarayonida 2 soni 1 dan keyin kelishi tushuntiriladi.

O`quvchilar e`tibori darslikka qaratiladi. Ulardan 1-misoldagi berilgan koptok, anoq va geometrik shakllari nechtadan berilganligi so`raladi, savol-javob o`rqali 2 soni haqida bilimlar mustahkamlanadi.

2-sonining yozilishi o``quvchilarga tushuntiriladi va ko`rsatiladi.

2-misol og`zaki.

• 
  Nechta mushukni ko`ryapsiz?Ranggi qanaqa?
  
• 
  Kimning uyida mushuk bor? Mushuk qanday hayvon? Bitta mushuk ko`pmi? 2 ta mushuk-mi?
  

IV. Mustahkamlash.

Yangi mavzuni mustahkamlash uchun o`quvchilar bilan darslikdagi3 misol bajariladi.

• 
  To`tiqushlar nechta? (2 ta)
  
• 
  Bitta to`tiqushning yoniga yana bitta qush kelib qo`nsa, nechta bo`ladi?
  

4-misol.

• 
  Quyonlar nechta? Quyon qanday hayvon? ( bo`sh katakka qalam bilan 2 raqami yoziladi.
  
• 
  Jo`jalar nechta? Rangi qanaqa?
  

V. O`quvchilarni baholash.

Darsda faol qatnashgan o`quvchilar baholanadi.

VI. Uyga vazifa berish, darsni yakunlash:

Uyga vazifa matematika daftaridagi topshiriqlarni bajarib kelish topshiriladi.Dars yakunlandi.

“Ko`rib chiqildi va tasdiqlandi” O`TIBDO`: ________ Sana ___________

13-dars