|
2022, №1 “Pedagogik mahorat” Ilmiy-nazariy va metodik jurnal
Pdf ko'rish
|
| bet | 334/347 | | Sana | 10.01.2024 | | Hajmi | 6,23 Mb. | | #133952 |
Bog'liq pedagogik mahorat 2022 1
Kirish. Pedagogik atamalar lugʻatida malaka oshirishga quyidagicha ta’rif berilgan: “malaka oshirish
... uzluksiz ta’lim tizimi turlaridan biri, xalq xoʻjaligining barcha sohasida ishlovchi mutaxassislar va rahbar
xodimlarning kasbiy bilim va koʻnikmalarini yangilash hamda chuqurlashtirish”[8]. Malaka oshirish jarayoni
tinglovchilarni eng soʻnggi yangiliklar bilan qurollantiradi, ularning kasbiy va shaxsiy sifatlarini, kasbiy
tayyorgarligini hozirgi zamon talablari darajasida rivojlantiradi, mavjud bilimlarini ta’limdagi zamonaviy
yangiliklar bilan toʻldiradi, kasbiy mahoratlarini muntazam oshirib borishlari sari metodik jihatdan
yoʻnaltiradi, oʻquv-tarbiya jarayonini tashkil etishning yangi tamoyillari va zamonaviy usullari, malaka
talablari, me’yoriy-huquqiy hujjatlar bilan tanishtiradi.
Asosiy qism. Malaka oshirish tizimida ta’lim mazmuni va uning tarkibini kengaytirish,
takomillashtirish bilan bir qatorda, bilim, koʻnikma va malaka, milliy gʻoya, mafkura hamda umuminsoniy
madaniyatni tashkil etuvchi – ijodiy faoliyat tajribasi, jamiyat va atrof-muhit oʻzaro munosabatlarining
uygʻunlashuvi davr talabi boʻlib qolmoqda [1].
Bugungi kunda mamlakatimizda sport ta’lim muassasalari trener-oʻqituvchilarining malakasini
oshirish, ularning pedagogik mahoratini yuksaltirish masalasi oʻzining dolzarbligi bilan alohida ahamiyat
kasb etmoqda. Shu bilan bir qatorda, malaka oshirish tizimiga zamonaviy talablardan kelib chiqqan holda,
jismoniy tarbiya va sport boʻyicha mutaxassislarning ijtimoiy-madaniy kompetentligini rivojlantirish
mexanizmlarini joriy etish talab etilmoqda.
Tadqiqotning oʻrganilishi. Hozirgi kunda ijtimoiy-madaniy kompetentlik masalasiga bagʻishlangan
bir qator tadqiqotlar mavjud: ijtimoiy-madaniy kompetentlikning tuzilishi (I.L.Bim, A.V.Guseva,
N.A.Deshina,
L.D.Litvinova,
V.V.Safonova),
uning
shakllanish
tamoyillari
(S.G.Grachyova,
G.V.Yelizarova, L.D.Litvinova, I.Y.Lupach, V.V.Safonova), ijtimoiy-madaniy jihatdan oʻqitish mazmuni
(A.V.Guseva, I.Y.Lupach, Y.A.Smirnova, A.V.Xripko va boshqalar), ijtimoiy-madaniy jihatdan oʻqitish
usullari va yoʻllari (O.A.Bondarenko, G.A.Vorobyov, M.G.Korochkina, D.S.Melnikova, N.L.Mishatina,
S.A.Mogilsev, I.A.Smolyaninova va boshqalar).
|
| |
