“Pedagogik mahorat” Ilmiy-nazariy va metodik jurnal 2022, № 1
48
oʻqituvchining kognitiv kompetensiyasi – bilish jarayonlarini faollashtirish orqali kasbiy faoliyatini
samarali olib borishga tayyorligi, yuksak vazifasini anglay olishi va mustaqil ravishda bilimini rivojlantirib
borish qobiliyatidir;
oʻqituvchining kognitiv kompetentligi – uning kognitiv kompetensiyalar yigʻindisini aniq voqelik
obyektlari bilan bogʻliqlikda egallaganligi hamda kasbiy faoliyatida samarali namoyon boʻlishi.
Pedagog xodimlar faoliyat samaradorligi va muvaffaqiyati
ularning kasbiy tayyorgarligi, malakaga
egalik darajasi, zimmasidagi vazifalarni bajarishga
nisbatan ijodiy yondashishi, oʻz ustida qunt va izchillik
bilan ishlashi asosida ta’minlanadi. Pedagog xodimlar kognitiv kompetentligining yuqori darajasiga erishish
pedagogik hamjamiyat, hamkasblari
tomonidan tan olinishi, kasbiy faoliyatga qoʻyilayotgan talablarga
muvofiqligi, individual kasbiy imkoniyatlarini kengaytirish, oʻz salohiyatini
amalga oshirish bilan
ifodalanadi.
Xulosaga kelish mumkinki, kognitiv kompetentlik oʻqituvchining oʻzini bilish subyekti sifatida
anglashi, bilimlarini yangi bosqichga koʻtarishga
intilishi, uzluksiz kasbiy rivojlanishga tayyorligi,
faoliyatiga doir ehtiyojlarini aniqlash, qanoatlantirish, rivojlanitirishi, axborotlarni qabul qilish, qayta ishlash,
uzatish koʻnikmasi, kasbiga
qadriyat sifatida qarashi, qiziqishlari va motivlarini belgilaydi. Kognitiv
kompetentlik oʻqituvchining faniga va kasbiy rivojlanishiga doir umumiy,
maxsus va amaliy bilimlari
uygʻunligini ta’minlovchi nazariy, metodik, texnologik va huquqiy-me’yoriy bilimlarining bir butunligini
ifodalaydi.
