Kompyuteringizdagi dasturlar yopiq kalitlarni
siz uchun xavfsiz
saqlagan holda boshqalar koʻra olishi uchun kalitlaringizning
ochiq tomonini ulashishni tushunadi.
Elektron pochta xabarini yuborganda raqamli sertifikatingizni
biriktirgan holda uni raqamli tarzda imzolashingiz mumkin.
Elektron xabar olinganida oluvchi
xabarga ilova qilingan
sizning ochiq kalitingizga oid axborotdan iborat kichik
birikmani koʻrib, sizdan kelganini tekshirib koʻrishi mumkin.
Boshqacha qilib aytganda, u aslida
boshqa elektron pochta
akkauntidan yuborilgan, xuddi sizdan kelgandek koʻrinuvchi
elektron xabar yuborib, oʻzini siz deb
tanishtiruvchilardan sizni
himoyalaydi.
Raqamli sertifikatlardan foydalanishning yana bir usuli –
hujjatlarni elektron imzolashdir.
Xabarni shifrlaganingizda, faqat siz va siz xabarni yuborayotgan
kishi uni oʻqiy olishi uchun muhrlangan konvertning
ekvivalentini hosil qilasiz. Bu xuddi kimgadir pochta kartasini
yuborishga oʻxshaydi: u ochiq holatda boʻlgani
uchun uni
istalgan shaxs oʻqiy oladi, biroq xabarni muhrlangan konvertga
solganingizdan keyin uni oʻqish qiyin boʻlishi mumkin.
Taklif qilingan raqamli sertifikatlar yordamida shifrlash
muammodan saqlanish imkonini beradi (8.05-rasm).
