avtomobil? Haydovchisiz avtomobil qanday afzalliklarga ega?
Ular xavfsizroq boʻladi, chunki avtohalokatga sabab boʻluvchi
xatolarga yoʻl qoʻyadigan haydovchi boʻlmaydi! Haydovchisiz
avtomobillar bilan muloqot qilish uchun sensorlardan
foydalaniladi, shu sababli agar barcha
avtomobillar haydovchisiz
boʻlsa, ular xavfsiz tarzda tezroq harakatlana oladi hamda
insonlarga boshqa ishlar bilan shugʻullanish uchun koʻproq vaqt
taqdim etadi, bu esa iqtisodiyotga foyda keltirishi mumkinligini
anglatadi.
Shuningdek, agar avtomobillar bir-biri bilan muloqot
qila olsa, yoʻllardagi tirbandliklar ham kamayishi mumkin.
2011-yilda Google haydovchisiz avtomobillarni ishlab chiqardi.
AQSHning ayrim koʻchalarida ularni uchratish mumkin.
Bu ishlab chiqarish joyidan yetkazish joyigacha bo‘lgan
mahsulot harakatining barcha bosqichlarini boshqaruvchi
logistika sanoati uchun ham foydali boʻladi. Kompaniya
tomonidan mahsulotlarni yetkazish
jarayonini boshqarishda
yuk mashinasi haydovchilari va yuk mashinalari uchun
aniq muhlatlar belgilanadi. Haydovchisiz transport
vositalari sutkasiga 24 soat yoʻl
yura olgani sababli mazkur
cheklovlarning oldi olinishi mumkin; safarga haydovchining
dam olish vaqti yoki ovqatlanish uchun tanaffuslarni ham
kiritish shart boʻlmaydi. Bu xarajatlarning qisqarishiga olib
kelishi mumkin. Haydovchisiz
avtomobillardan manfaat
koʻrishi mumkin boʻlgan yana bir toifa – avtomobil hayday
olmaydigan nogiron insonlardir; ular maʼlum
darajada
harakatlanish va mustaqil bo‘lish imkoniyatiga ega boʻladi.
Ushbu innovatsiyaning ayrim kamchiliklari ham bor. Masalan,
tirikchiligi transport vositasini haydash bilan bogʻliq boʻlgan
odamlar ishsiz qolishi mumkin; dastur ishonchli va xakerlardan
xavfsiz boʻlish kerak; mustaqil harakatlanadigan
avtomobillar
joylashgan joy haqidagi maʼlumotlarini toʻplash va almashinish
majburiy bo‘lganligi sababli shaxsiy hayot daxlsizligi bilan bogʻliq
xavotirlar ham boʻlishi mumkin. Agar qandaydir muammo paydo
boʻlib,
avtohalokat yuz bersa, kim javobgar boʻlishini aniqlash
uchun huquqiy hujjat ham mavjud emas.
