56
mumkin. Spirtli manbalar (sharob, brajka, pivo) dan ajratib olingan ba’zi
turlar (
Lactobacillus buchneri, L. brevis, L. vermenti) uchun spirt
konsentratsiyasi 16-18 hajm % gacha oshiriladi. Sut kislota hosil
qiluvchi termofil bakteriyalarning yigʻma kulturasini olish uchun solod
sharbati boʻlgan kolbaga ozgina yanchilgan arpa yoki arpa solodi
qoʻshib, termostatda 48-50
o
C da saqlash mumkin. 1-2 kundan keyin
muhit qavatida tovlanadigan kuchsiz toʻlqinsimon loyqa paydo boʻladi;
mikroskopda tekshirilganda ingichka uzun, harakatlanmaydigan sporasiz
tayoqchalar koʻrinadi.
Achitqilarning yigʻma kulturasini olish. Boshlangʻich material
sifatida presslangan yoki ekiladigan ishlab chiqarish achitqilaridan,
pishgan uzum, rezavor mevalardan, pivo yoki sharbat choʻkmasidan,
non achitqilari va hokazolardan fiydalanish mumkin. Materialdan ozgina
olib, solod sharbatiga (pH 4-4,5), uzum sharbatiga sintetik elektiv
muhitga qoʻshilsa va termostatda 28-30
o
C da saqlansa, achitqilar avj olib
rivojlanadi. Solod sharbatida avj olib rivojlanadigan mitseliyli
zamburugʻlarning oʻsishi oldini olish uchun 4-6 hajm % etil spirt yoki
0,2% natriy propionat qoʻshish mumkin. Birga uchraydigan bakteriyalar
muhitga levomitsetin (50 mg/l), neomitsin (20 birlik/mg) yoki penitsillin
bilan steptomitsinning aralashmasini (50-100 birlik/ml) qoʻshib
yoʻqotiladi. Takomillashmagan achitqilarni yoʻqotish uchun oziq
muhitiga 0,1-0,2 % miqdorda yod-sirka kislota yoki lizinli sintetik
muhitga boshlangʻich materialdan qoʻshiladi. Saxaromitsetlarni boshqa
achitqilardan ajratib olish uchun muhitga 2,5% etilatsetat qoʻshib, sirka
kislota bilan muhit pH 4,0 gacha yetkaziladi.
