|
Tadqiqotning asosiy masalari va farazlari
|
| bet | 3/28 | | Sana | 12.02.2024 | | Hajmi | 12 Mb. | | #154945 |
Bog'liq Finished Laylo .13.06.23.ttTadqiqotning asosiy masalari va farazlari: Ekinlarni ontogenez davrlarining muddatlari o`rganilib, fenologik kuzatuvlar olib borildi. Mosh (Vigna radiata L.) va makkajo`xori (Corn) ni o`sishi, rivojlanishi, hosildorligini o`rganishga bag`ishlangan tajribalarni amalga oshirish, olingan natijalarni ilmiy
adabiyotlardagi ma`lumotlar bilan qiyosiy tahlil qilish - magistrlik ishining asosiy masalalari hisoblanadi. Tadqiqot natijasida olingan ma`lumotlardan mosh (Vigna radiata L.) va makkajo`xori (Corn) ni yetishtirish va chorvachilikda yem-xashak sifatida foydalanish va tuproq unumdorligini oshirish imkonini beradi. Mosh donini oziq-ovqat, makkajo`xorini chorvachilikda yem-hashak bazasi uchun asosiy va takroriy ekin sifatida yetishtirish ekinlar diversifikatsiyasiga yordam beradi va qisqa davr ichida daromad keltiradi.
Tadqiqot mavzusi bo`yicha adabiyotlar sharhi (tahlili): Respublikaning turli iqlim sharoitlarida dukkakli don ekinlarini makkajo`xori bilan aralashtirib yetishtirish usullari, ularning o`sishi, rivojlanishi ko`p yillik tajribalar natijasida ilmiy asoslangan va amaliyotda joriy etilgan [13]. Respublikamizda bir qancha olimlar tomonidan mosh (Vigna radiata L.) va makkajo`xori (Corn) ni morfologiyasi va tarqalishi, biologik xususiyatlari o`rganilgan. Sistematikasi, geografiyasi va tarqalishi haqida ayrim adabiyot manbalari mavjud [20].
Tadqiqotda qo`llanilgan metodikaning tavsifi: Ushbu magistrlik dissertatsiya ishini bajarishda umum qabul qilingan usullar orqali o`rganildi, tadqiqotlar «Dala tajribalarini o`tkazish uslublari» kabi uslubiy qo`llanmalari asosida bajarildi [12]. Dissertatsiya ishida agrotexnologik, fenologik, agrokimyoviy (tuproq tarkibi), fiziologik (barg sathi) va biokimyoviy (donning tarkibi va sifat ko`rsatkichlari) usullaridan foydalanilgan. Tadqiqotlar «Dala tajribalarini o`tkazish uslublari» va Dospexovning «Методика полевого опыта» uslublari bo`yicha olib borildi.
Tajriba o`tkazishdan oldin tuproq tarkibidagi gumus (chirindi), umumiy va harakatchan NPK, pH hamda EC miqdorlari 0-30, 30-50 sm li qatlamlarda qabul qilingan uslublarda aniqlandi. pH ko`rsatkichi suv/tuproq (1:5) suspenziyasida Eijkelkamp 18.21 uskunasida va tuproq sho`rlanishi (suv/tuproq 1:1 nisbatda) “IKS-Ekspress T” EC meter yordamida aniqlandi. Tuproqning hajm og`irligi kesuvchi tsilindrlar yordamida genetik qatlamlar bo`yicha aniqlandi.Tuproqning mexanik tarkibi - Kachinskiy usulida, umumiy g`ovakligi maxsus formula yordamida aniqlandi. Tuproq namunalarida chirindi miqdori I.V.Tyurin, umumiy azot va fosfor I.M.Mal`tseva va L.N.Gritsenko, nitratli azot-Granvald Lyaju usulida, ammoniy azot-Nessler reaktivi yordamida fotometrik, harakatchan fosfor B.P.Machigin, almashinuvchi kaliy P.V.Protasov usullarida aniqlandi [29].Quritilgan o`simlik namunalari tarkibida umumiy NPK miqdorlari Ginzbur, Sheglova va Vulfius usulida aniqlandi. Urug`ni unuvchanligi laboratoriya sharoitida umumiy qabul qilingan uslublar orqali o`rganildi.
|
| |
