|
O‘zbekiston Respublikasi Prezidenti huzuridagi Orolbo‘yi xalqaro innovatsiya markaziBog'liq uzbekistan-state-of-the-environment-uzO‘zbekiston Respublikasi Prezidenti huzuridagi Orolbo‘yi xalqaro innovatsiya markazi
tashkil etildi (O‘zbekiston Respublikasi Prezidentining qarori, 16.10.2018-yildagi PQ–3975-son).
Orolbo‘yi mintaqasini rivojlantirish jamg‘armasi
2017-yilda «2017–2021-yillarda
O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar
strategiyasi» hamda 2017–2021 yillarda Orolbo‘yi mintaqasini rivojlantirish Davlat dasturi
doirasida tashkil etilgan. Dasturda umumiy qiymati 8,422 trln. so‘m (2,4 mlrd. dollar) mablag‘
ish o‘rinlarini yaratish, investitsiyalarni jalb etish, suv ta’minoti, sanitariya va kanalizatsiya tizimini
yaxshilash, hudud aholisining salomatligini muhofaza qilish kabi chora-tadbirlarni kuchaytirishga
yo‘naltirilgan. Mazkur Davlat dasturini amalga oshirish maqsadida Moliya vazirligi (hozirda
O‘zbekiston Iqtisodiyot va moliya vazirligi) huzurida Orolbo‘yini rivojlantirish jamg‘armasi
tashkil etildi.
BMTning Orolbo‘yi mintaqasi uchun Inson xavfsizligi bo‘yicha ko‘p tomonlama sheriklik
trast jamg‘armasi (MPTF)
8
Orolbo‘yi mintaqasi borasida jahon hamjamiyatining amaliy
yordami bo‘yicha ishonchli platformaga aylandi. Ekologik innovatsiyalar va texnologiyalarning
mazkur «xab»i sa’y-harakatlarni muvofiqlashtiradi hamda maqsadli dastur va loyihalarni amalga
oshiradi. Jamg‘armaning 2018-yilda yaratilgan dasturiy strategiyasi BMTning Inson xavfsizligi
bo‘yicha konsepsiyasiga muvofiq ishlab chiqilgan. O‘zbekiston, Norvegiya, Finlyandiya, Koreya
Respublikasi va Yevropa Ittifoqi hukumatlari, Alwaleed Philanthropies xayriya tashkiloti va
boshqa donorlar Trast jamg‘armasiga maqsadli to‘lovlarni kiritdi. Qishloq hududlarini barqaror
rivojlantirish va iqlim o‘zgarishiga moslashishga qaratilgan beshta loyihani ishlab chiqish hamda
amalga oshirish uchun Trast jamg‘armasi doirasida 16 mln. dollardan ortiq mablag‘ jalb etildi.
Ushbu dasturlar jami 250 mingdan ortiq benefitsiarlar, jumladan, yoshlar, ayollar va keksalarni
bevosita qamrab oldi.
|
| |
