67
Atrof-muhit holati to‘g‘risida milliy ma’ruza: O‘zbekiston
Iqtisodiyot tarkibida qishloq xo‘jaligi ustunlikka ega, iqtisodiyotda sanoat va xizmat ko‘rsatish
sohasining ulushi esa, respublika o‘rtacha ko‘rsatkichidan sezilarli darajada ortda qolmoqda.
Qishloq xo‘jaligida bandlik, jami bandlikning 25,1 foizini tashkil qiladi. Qoraqalpog‘iston
Respublikasida qishloq xo‘jaligining barqaror rivojlanishi, asosan yer va suv resurslarining holatiga
bog‘liq. Rasmiy hisob-kitoblarga ko‘ra, sug‘oriladigan yerlarning yarmi o‘rtacha
darajadan past,
qishloq xo‘jaligi maydonlari esa so‘nggi o‘n yil ichida 177,1 ming gektarga kamaygan. Umuman
olganda, yaylov va yerlar mahsuldorligining pasayishi, to‘qay o‘simliklarining nobud bo‘lishi va
ko‘llarning qurishi 100 mingdan ortiq ish o‘rnining yo‘qolishiga olib keldi.
O‘tgan asrning 1970-yillariga qadar Orol dengizi sohiliga yaqin aholining 80 foizdan ortig‘i baliq
va baliq mahsulotlarini ovlash, qayta ishlash va tashish bilan shug‘ullangan. Dengizning quriy
boshlashi natijasida 1979-yilga kelib dengizda kemalarning yurishi to‘xtatildi, 1984-yildan esa
dengiz o‘n minglab odamlarni
ishsiz qoldirgan holda, o‘zining baliq ovi sanoatini butkul yo‘qotdi.
Shu bilan birga, mintaqa, xususan Qoraqalpog‘iston Respublikasi iqtisodiy salohiyati, qishloq
xo‘jaligi mahsulotlarini yetishtirish va chakana tovar aylanmasi bo‘yicha hamon oxirgi, xalq
iste’moli mollarini ishlab chiqarish bo‘yicha esa oxiridan bir pog‘ona oldingi o‘rinni egallaydi
(
https://www.aral.mptf.uz/site/aralsea.html#drying
).
