66
Atrof-muhit holati to‘g‘risida milliy ma’ruza: O‘zbekiston
tez-tez qurg‘oqchilik ro‘y bermoqda. Bu, qishloq xo‘jaligida hosildorlikning
pasayishiga olib
keldi (makkajo‘xori hosildorligi – 3 barobar, sholi – 2 barobar, paxta – 1,6 barobar, kartoshka
va sabzavot – 1,5–2,5 marta kamaydi). Ayrim hududlarda yerlarning sho‘rlanishi 80,0 foizdan,
Mo‘ynoq tumanida 96,0 foizdan oshadi (Qoraqalpog‘iston Respublikasi Ijtimoiy tadqiqotlar
instituti ma’lumotlari, 2017-yil). Sizot suvlarining sho‘rligi yuqoriligicha qolmoqda (64%
sug‘oriladigan yerlarda sizot suvlarining sathi 1 m dan 2 m gacha). Sug‘oriladigan yerlarning
yarmi past bonitetga ega. Yog‘ingarchilikning kamligi va yuqori bug‘lanish tez-tez sug‘orishga
(6–10 marta) va sho‘rlangan tuproqning yuvilishiga (2–4 marta) olib keladi. Daryolarning quyi
oqimida suvning sho‘rligi Sirdaryoda 3 g/l, Amudaryoda 2 g/l ni tashkil etadi.
