|
Orolbo‘yi mintaqsi – ekologik innovatsiyalar va texnologiyalar hududiBog'liq uzbekistan-state-of-the-environment-uzOrolbo‘yi mintaqsi – ekologik innovatsiyalar va texnologiyalar hududi
– BMTning
2021-yilda qabul qilingan rezolyutsiyasi (O‘zbekiston Respublikasi Prezidentining «Birlashgan
Millatlar Tashkiloti Bosh Assambleyasining 2021-yil 18-maydagi «Orolbo‘yi mintaqasini ekologik
innovatsiyalar va texnologiyalar hududi deb e’lon qilish to‘g‘risida»gi maxsus rezolyutsiyasini
amalga oshirish chora-tadbirlari to‘g‘risida» 29.07.2021-yildagi PQ–5202-sonli qarori). Maxsus
rezolyutsiyada belgilangan vazifalarni amalga oshirish bo‘yicha «Yo‘l xaritasi» tasdiqlangan bo‘lib,
unda siyosiy-huquqiy innovatsiyalar, ekologik barqarorlikni ta’minlash, tabiiy resurslardan oqilona
foydalanishni raqamlashtirish va innovatsion yondashuvlarni amalga oshirish orqali Orolbo‘yi
mintaqasida tarkibiy va transformatsiyali o‘zgarishlar uchun qulay muhit yaratish hamda
institutsional bazani rivojlantirish nazarda tutilgan.
Yerlar degradatsiyasiga qarshi kurashish va uning jarayonlari oldini olish hamda
tuproqlarni muhofaza qilish bo‘yicha harakatlar rejasi
– ikkilamchi sho‘rlanishga uchragan
tuproqlarning meliorativ holatini tiklash bo‘yicha tajriba loyihalarini ko‘zda tutuvchi reja bo‘lib,
Qoraqalpog‘iston Respublikasi, Xorazm va Buxoro viloyatlarida 2023–2025-yillarda amalga
oshiriladi. (O‘zbekiston Respublikasi Prezidentining «Yerlar degradatsiyasiga qarshi kurashishning
samarali tizimini yaratish chora-tadbirlari to‘g‘risida» 2022-yil 10-iyundagi PQ–277-sonli qarori).
2018-yildan buyon Orol dengizi qurishining salbiy oqibatlarini yumshatish, degradatsiyaga
uchragan yerlarda ekotizimni yaxshilash, Orolbo‘yi mintaqasini ijtimoiy-iqtisodiy rivojlantirish
va aholi turmush darajasini yanada yaxshilashga qaratilgan kompleks ishlar amalga oshirilmoqda.
Xususan, noyob bioxilma-xillik va ularning yashash muhitini saqlash maqsadida Qoraqalpog‘iston
Respublikasida umumiy maydoni 3,6 mln. gektar bo‘lgan 5 ta yangi muhofaza etiladigan tabiiy
hududlar tashkil etildi.
2018–2022-yillarda Hukumat tomonidan Orol dengizining qurigan tubida «yashil qoplamalar» –
himoya o‘rmonlarini barpo etish bo‘yicha keng ko‘lamli ishlar amalga oshirildi. Natijada qurigan
dengiz tubiga 1,7 mln. gektar maydonga tuz va qurg‘oqchilikka chidamli o‘simliklar – saksovul,
cherkes, qandim va boshqa cho‘l o‘simliklaridan iborat o‘rmonzor barpo etildi.
2023-yilda qurigan dengiz tubida 100 ming gektar maydonda o‘rmonzor barpo etish ishlari olib
borilmoqda, Navoiy, Buxoro va Xorazm viloyatlarida mos ravishda 50 ming, 40 ming va 11 ming
gektar maydonda «yashil belbog‘lar» yaratilmoqda.
|
| |
