|
§. NON MAHSULOTLARINING SIFAT KO'RSATKICHLARI
|
| bet | 44/231 | | Sana | 13.02.2024 | | Hajmi | 1,23 Mb. | | #155970 |
Bog'liq Sapayeva, Z. J. G\'Ulomova oziq-ovqat texnologiyasi asoslari-fayllar.org§. NON MAHSULOTLARINING SIFAT KO'RSATKICHLARI
Non mahsulotlarining sifati tegishli me’yoriy hujjatlar (GOST, TSh, 0‘zDSt) talablariga mos kelishi kerak. Me’yoriy hujjatlarda xomashyoning sifati, unning navi, mahsulotni pishirish usuli va massasi, uning organoleptik, fizik-kimyoviy va mikrobiologik ko‘rsatkichlariga talablar keltirilgan.
Nonning organoleptik sifat ko‘rsatkichlariga uning tashqi ko‘rinishi (shakli, yuzasining holati va rangi), mag‘zining holati (pishganligi, yangiligi, g‘ovakliligi, elastikligi), ta’mi va hidi kiradi. Mahsulotning shakli to‘g‘ri, yuqori qobig‘i qavariq, nonning naviga ko'ra sariq rangdan jigarranggacha bo‘yalgan, yuzasi silliq, yoriqlarsiz, yaltiragan, mag‘zi pishgan, elastik, yaxshi va bir tekis g‘ovaklangan, ta’mi va hidi nomiga xos, begona ta’m va hidsiz boiishi kerak.
Asosiy fizik-kimyoviy ko‘rsatkichlariga mag'zining namligi, kislotaliligi, g‘ovakliligi hamda qand va yog‘ning miqdori kiradi. Namlikning miqdori mahsulotning oziqaviy qiymatini belgilaydi va iqtisodiy ahamiyatga ega. Bug‘doy unidan tayyorlangan turli non-bulka mahsulotlari uchun mag‘izning namligi 32-48% ni, javdar nonlarining ayrim navlari uchun 48-51 % ni tashkil qiladi.
Nonning kislotaliligi uning ta’mini belgilaydi va texnologik jarayonlarni aniq olib borilganligi to‘g‘risida dalolat beradi. Javdar nonlarining ayrim turlari uchun kislotaliligi 9-12° ni, bug‘doy unidan tayyorlangan non-bulka mahsulotlariniki-2-6° ni tashkil qiladi.
Mag‘zining g‘ovakliligi non hajmini, ayniqsa, uning organizm tomonidan hazm boiishini belgilaydi. Namligi past, yaxshi bijg‘imagan xamirdan hamda nuqsonli undan tayyorlangan non mag‘zi zichroq, kam g‘ovaklangan boiadi. Nonning g‘ovakliligi 42% dan boshlab (jaydari javdar unidan) to 70-72% (bug‘doy unidan pishirilgan mahsulotlar, naviga ko‘ra) va undan yuqori qiymatlarni tashkil qilishi kerak.
Mikrobiologik talablar oziq-ovqat mahsulotlarining xavfsizlik mezon- larini qamrab olib, ularga binoan toksik (zaharli) elementlar, mikotoksinlar, pestitsidlarning miqdori chegaralangan me’yorlardan oshmasligi kerak.
74
Tayanch iboralar. Unning yetilishi, xamir, xamirning bijg'ishi; xamir tayyorlash, xamirni bo'laklash; non pishirish; pishirishdagi va saqlashdagi sarflar;nonning chiqishi; nonning kasalliklari; nonning oziqaviy qiymati.
|
| |
