|
E qosimov, M. Akbarov
Pdf ko'rish
|
| bet | 128/168 | | Sana | 19.12.2023 | | Hajmi | 1,14 Mb. | | #124022 |
Bog'liq Pardozbop qurilish ashyolari. Qisimov E. 2005Plastifikatorlar — plastmassa buyumlarning ishlatilishi jarayonida egiluvchanlikni oshirishda, uni
ishlashdagi texnologiyani osonlashtirishda ishlatiladi. Aksariyat plastifikatorlar yoysimon bo‘lib, polimer
bo‘tqani qayta ishlashda qo‘shiladi.
Plastifikatorlarning kamchiligi shundaki, ular plastmassa buyumlarni haroratga chidamliligini kamaytiradi
va asta-sekin bug‘lanib ketadi. Bu esa plastmassaning mo‘rtligini oshiradi. Buning uchun erish harorati 250°C
dan kam bo‘lmagan plastifikatorlar quyosh nuri va suvga chidamli, hamda namni o‘ziga olmaydigan bo‘lishi
kerak. Masalan, yog‘simon xususiyatga ega bo‘lgan dibutilftalat shular jumlasidandir.
Qotiruvchilar — bir qator polimer smolalarning qotishini tezlatib, erimaydigan qattiq holatga keltiruvchi
moddalardir. Issiq yoki sovuq holatda qotirish xususiyatiga ega bo‘lgan moddalarga — kislota angidrid,
perekis, spirt va aminlarni kiritish mumkin.
Sintetik smolalardan ishlanadigan pardozbop qurilish buyumlari
Turarjoy va jamoat binolarini qurishda sarflanadigan umumiy xarajatning 15—20% ini pardozlash ishlari
tashkil etadi. Polimer ashyolar ishlatilishiga ko‘ra quyidagi xillarga bo‘linadi: polbop ashyolar; xonaning ichki
devorlarini pardozlashda ishlatiladigan ashyolar; qurilish konstruksiyalaribop ashyolar; uzun o‘lchamli qurilish
buyumlari; sintetik yelim va mastikalar; issiqlikni va tovushni kam o‘tkazadigan ashyolar; tombop suvga
chidamli va germetik ashyolar; santexnika asboblari, quvurlar va sintetik armaturalar; sintetik lok-bo‘yoq
ashyolar.
Polbop ashyolar. Keyingi vaqtlarda toza tabiiy ashyolardan pol qurish ko‘paymoqda. Shular qatori
sintetik smolalar asosida tayyorlanadigan o‘rama ashyolar ham keng ishlatilmoqda. Shularning ayrimlari bilan
tanishib chiqamiz.
Linoleum — bir yoki ikki qatlamli o‘rama ashyo. Ustki qatlami plastmassadan, ostkisi dag‘al gazlama,
namat, maxsus karton va boshqa ashyolardan ishlangan bo‘ladi. Sanoatimiz gliftal polixlorvinil, koloksilin va
rezina linoleumlar ishlab chiqarmoqda.
|
| |
