|
NAMLANMAYDIGAN SUVLI POLIMER BO‘YOQLAR
Pdf ko'rish
|
| bet | 160/168 | | Sana | 19.12.2023 | | Hajmi | 1,14 Mb. | | #124022 |
Bog'liq Pardozbop qurilish ashyolari. Qisimov E. 2005NAMLANMAYDIGAN SUVLI POLIMER BO‘YOQLAR
Hozirgi vaqtda bino va inshootlarni pardozlashda, ta’mirlashda polimer tarkibli namlanmaydigan bo‘yoqlar
hamda bo‘yoqli bo‘tqalar keng ishlatilmoqda. Jumladan, polimer ohak, polimer ohak sementli bo‘tqa
shpatlevkasi kabi pardozlash ashyolari o‘zlarining ob-havo ta’siriga chidamliligi, nam sharoitda buzilmasligi,
inson salomatligiga zararsizligi bilan boshqa bo‘yoqlardan afzaldir. Shuningdek, bunday bo‘yoqlarga
qimmatbaho oq rangli pigmentlarni (rux oksidi, metapon va h.k.) ishlatish ehtiyoji qolmaydi. Namlanmaslik
xususiyati uni yangi suvoq yuzasini ham pardozlash imkoniyatini tug‘diradi.
Polimer ohak shpaklevkasi — ohak bo‘tqasi, changsimon mayda kvars qumi (marshalit) va
polivinilatsetat (ПВA) emulsiyasiga namlanmaydigan ГКЖ ni suv bilan obdan qorishtirib tayyorlanadi.
Emulsiya deb, bog‘lovchi modda bilan (lak-bo‘yoq yog‘i) obdan tuyilgan changsimon qumning aralashmasiga
aytiladi. Bunday shpaklevka devorni polimerohak bo‘yoq bilan pardozlashdan oldin beton yoki suvoq yuzasini
tekislashda ishlatiladi. Shpaklyovka quyidagi tarkibda tayyorlanadi (og‘irlik hisobida kg/t (%)):
— polivinilatsetatning 50% li mayin quyqasi — 150 (14,7%);
— ohakning 50% bo‘tqasi — 200 (19%);
— kvars qumi (marshalit) — 637 (60%);
— namlanmaydigan ГКЖ ning 20% li suyuqlikdagi eritmasi 3 (0,3%);
— suv — 60 (6%).
Tayyor shpaklevkaning mayinligi (plastikligi) StroySNIL konusi cho‘kishi — 10-11 sm, qurish muddati
(18-20°C da) — 4-6 soatga teng.
Polimer ohakli ПВA bo‘yog‘i — ohakni 50% li mayin polimeratsetat emulsiyasi bilan namlanmaydigan
ГКЖ ni obdan aralashtirib olingan suspenziyadir. Suspenziya deganda changsimon emas, ammo mayda qilib
tuyilgan ohakni bog‘lovchilar bilan aralashgan suyuqligini tushunmoq kerak.
Polimer ohakli ПВA bo‘yog‘i sementli, ohakli, gipsli suvoq yuzalarini, hamda beton va g‘ishtli devorlarni
pardozlashda ishlatiladi. Bo‘yoqni tayyorlashda quyidagi ashyolar ishlatiladi (og‘irlik hisobida, kg/t da): mayin
polivinilatsetatni 50% li emulsiyasi — 145 (14%); ohakning 50% bo‘tqasi — 595 (56%); pigmentlar — 73
(7%); namlanmaydigan ГКЖ suyuqligi eritmasi — 30 (3%); suv — 207 (20%).
Polimer ohak bo‘yog‘ining quyuq-suyuqligi (ВЗ-4 da) 20—25 sek, qurishi esa 2—4 soatdan oshmaydi.
|
| |
