Alkilsilikonatlar qo‘shilgan qorishma yoki betonning muzlash harorati past bo‘ladi. Natriy alkilsilikonatlari
30% eritma sifatida maxsus idishlarda saqlanadi. Ishlatishdan oldin unga suv qo‘shilib 3 dan 5% gacha eritma
tayyorlanadi. Alkilsilikonatlarning eritma darajasi 5% oshib ketsa, beton yoki suvoq yuzasida oq dog‘lar paydo
bo‘ladi. Uni suvda eruvchanligi ishlatishda ancha qulayliklar tug‘diradi. Saqlash muddati 4-5 yil.
Polialkilgidrosilakson suyuqligi (ГKЖ-94)
suvda erimaydi, ammo benzin, toluol,
uayt-spirt kabi organik
eritmalarda oson eriydi. ГKЖ-94 dan yuqoridagi eritmalar asosida 1—10% li suyuqlik yoki 1—15% ГKЖ-94
suvi tayyorlanadi. ГKЖ-94 suvini tayyorlash uchun 50 qism (og‘irlik hisobida) ГKЖ-94, 49 qism suv va 1
qism emulgator (jelatin, kir yuvish kukuni) torozida tortiladi va minutiga 8000—10000 marta aylanadigan
qorgichda aralashtiriladi. ГKЖ-94 suvida cho‘kindi paydo bo‘lsa,
uni bir ozgina chayqatilsa, suyuqlik yana
qayta holatiga qaytadi.
ГKЖ-94 suyuqligi ishqorli ashyolarni muhofaza qilishda keng ishlatiladi. ГKЖ-94
suyuqligining asosiy
xossalari:
— zichligi (20°C da, g/sm
3
) — 0,99-1,0;
— faol vodorod miqdori (% da) — 1,30-1,42;
— rH miqdori (% da) — 6.
