149
vaqtida erkin nafas olish kerak, egilganda nafasni ushlab qolmaslik, kuchlanish kerak
bo’lgan joyda nafasni chiqarish lozim.
Mashqni bajarishni bitta urinishdan boshlash kerak, ya’ni bitta mashq tugagandan
keyin boshqasiga o’tish lozim. Agar, 2 xafta o’tgach, hech qanday yoqimsiz hissiyotlar
paydo bo’lmasa, 2 ta urinishga o’tish mumkin, ya’ni mashqni bajargandan keyin 1-2 minut
dam olib, uni yana bir bor takroran bajarish mumkin. Yana 2 xafta o’tgach, har bir mashq
uchun ko’rsatilgan urinishlarning barchasini bajarish mumkin. Mashqlar majmuasi bilan
tanishishdan oldin, shtanga va gantellarning og’irliklarini to’g’ri tanlash zarur. Masalan,
“chalqancha yotgan holatda shtangani jim qilish” mashqida 4 ta urinishlarni 8 marta
takrorlashlar bilan bajarish ko’rsatilgan. Bunda, shtanganing vazni shunday bo’lishi
kerakki, har bir urinishlardagi ikkita oxirgi takrorlashlar ancha darajadagi kuchlanish bilan
bajarilsin. Birinchi urinishni, ancha engil og’irliklar bilan, mushaklarni qizitish uchun 12-
15 marta takrorlashlar orqali bajarish kerak.
Mashg’ulotlar vaqtida faqatgina mushaklarni kuchaytirish bilan shug’ullanish kerak
emas, uyg’un rivojlanishga erishish zarur. Buning uchun esa, yugurish, suzish, sport
o’yinlarini o’ynashni davom ettirish zarur. Nafaqat kuchli bo’lishga, balki chidamli va
epchil bo’lishga ham intilish lozim. Mashg’ulotlarni har doim xaftasiga 3 marta o’tkazish
va har bir trenirovkani qorin pressi uchun mashqlar bilan boshlash kerak.
