|
“Ta’limda innovativ-kreativ texnologiyalarning qo’llanilishi, neyrolingvistik dasturlashning
Pdf ko'rish
|
| bet | 353/539 | | Sana | 27.06.2024 | | Hajmi | 6,55 Mb. | | #265996 |
Bog'liq Maqola 3 (207-211-bet)“Ta’limda innovativ-kreativ texnologiyalarning qo’llanilishi, neyrolingvistik dasturlashning
amaliy asoslari” mavzusidagi xalqaro konferentsiya 2021-yil, 27-dekabr
385
Rahmonova Dilfuza Maxmudovna
Buxoro Davlat universiteti «Pedagogika» kafedrasi o‘qituvchisi
ODDIY TARBIYACHI –GAPIRADI VA KO‘RSATADI, YAXShI
TARBIYACHI O‘YINGA ISHTIROK ETTIRADI
Har bir ota-ona o‘z bolasining maktabda yaxshi ta'lim olishini va maktabni
tugatgandan so‘ng hayotda o‘z o‘rnini topishini xohlaydi. Lekin, hamma ota-onalar
ham bolani maktab ta'limiga tayyorlash nimalardan iborat bo‘lishini va u
nimalarni bilishi kerakligidan xabardor emaslar. Davlat talablari asosida
maktabgacha ta'lim yoshidagi bolalarning egallashi lozim bo‘lgan bilim, ko‘nikma
va malakalariga qo‘yilgan minimal talablarni bolalar ongiga singdirishda uslubchi
va tarbiyachilarning roli kattadir. Maktabgacha yoshdagi bolalarning maktab
ta'limiga o‘tishi hamisha uning hayoti, xulqi, qiziqishi va kundalik
munosabatlarida anchagina jiddiy o‘zgarishlarni yuzaga keltiradi. Shuning uchun
maktabgacha yoshdagi bolani MTMda yoki uydayoq maktab ta'limiga tayyorlash
jarayonida uncha qiyin bo‘lmagan bilim, tushuncha, ko‘nikma va malaka bilan
tanishtirish kerak bo‘ladi. Bunday tanishtirish o‘z navbatida, bolada kechadigan
moslashuv davrining jiddiy qiyinchiliklarsiz o‘tishiga yordam beradi. Bolaning
maktabga qadam qo‘yayotganida nechog‘li bilimga ega ekanligi emas, uning yangi
bilimlarni egallashga tayyorligi, atrof-olamga moslashish ko‘nikmasi, voqyea-
hodisani mustaqil ravishda tahlil etishi va harakat qilishi muhimroq hisoblanadi.
Bolaga biror narsani o‘rgatishgina emas, unda o‘z kuchiga ishonchni orttirish,o‘z
g‘oyasini himoya qilish, mustaqil ravishda bir qarorga kelish ko‘nikmasini
shakllantirish ham muhimdir. Maktabgacha ta'lim yoshidagi bola o‘ynagan,
ko‘rgan, eshitgan narsalarini tasavvurida aks ettiradi, sinab ko‘radi, o‘ylaydi,
o‘lchaydi, tekshiradi. Insoniylik fazilatlari bolalikdan kurtak yoza boshlaydi. Ayni
shu paytda inson qalbiga yaxshilik urug‘i tashlanadi. Bola hayotida tevarak-
atrofdagi voqyea-hodisalarni his etsada, uni to‘g‘ri tushunishga ojizlik qiladi.
Biroq, turli taassurotlar uning xarakterini shakllantiradi. Darhaqiqat, bolalarning
tasviriy faoliyatiga razm solsangiz, ularning tevarak-atrofdagi olamni musaffo
tuyg‘ulari bilan yorqin va mo‘jizakor bir tarzda ko‘ra olishlarini kuzatamiz.
Bolalarda hayotiy tajriba, bilim va ko‘nikma yetarli darajada bo‘lmasada, ular
samimiyat va soxtalik, yomonlik va yaxshilikni nihoyatda kuchli his etadilar. Oq
qog‘oz yuzasida bola nimanidir tasvirini aks ettiradi va yasaydi hamda o‘zining
mehnati mahsulidan estetik zavq oladi. Mehnat, mashg‘ulot, o‘yin, sayr, bayram,
|
| |
