58
buning natijasida benzinning detonatsiyaga qarshi turg‘unligiga
bo‘lgan talab kamayadi.
Suvli benzin emulsiyalaridan foydalanish bir qator amaliy ma-
salalarni qay darajada hal etilishi bilan bog‘liq: zarur turg‘unlikka
ega bo‘lgan suvli benzin emulsiyalarini ishlab chiqish; foydali ak-
tiv sirtga ega bo‘lgan
moddalar, ya’ni suvni benzin sirtiga yutilishi-
ni ta’minlovchi moddalar ishlab chiqarish; suvli benzin emulsiyala-
rini ATK sharoitida olish va qo‘llashning oqilona tizimini tashkil
etish. Tajribalarning ko‘rsatishicha, suvli
benzin emulsiyalarining
qovushoqligi yuqoriligi tufayli ularning tarkibiga 10 foizdan ortiq
suv qo‘shish mumkin. Aks holda, karburator jiklorlarining teshikla-
rini kattalashtirish talab etiladi. Hozirgi paytda ma’lum aktiv sirtga
ega bo‘lgan moddalar etillangan benzin asosida turg‘un suvli ben-
zin emulsiyalar olishga imkon bermaydi.
Tajribalarning ko‘rsatishicha, tarkibida 10–30 foiz suv bo‘lgan
suvli benzin emulsiyalardan foydalanilganida dvigatelning so-
lishtirma yonilg‘i sarfi 7–22 foizga kamayadi. Bundan tashqari,
dvigatelda ishlatilgan gazlar tarkibidagi uglerod
oksidlari miqdori
2–6 barobarga kamayadi.
Suvli benzin emulsiyalarini tayyorlashning bir qancha usullari
tavsiya etilgan. Bulardan biri uni avtomobilning o‘zida dvigatelining
kiritish tizimiga ma’lum miqdorda suvga ammoniy oleatini qo‘shib
purkashdir. Yuqori turg‘unlikka ega bo‘lgan emulsiyalar hosil qilish
uchun unga murakkab kompozitsiyali aktiv sirtga ega bo‘lgan mod-
dalar qo‘shiladi. Ammo bunda emulsiya
hosil qilish uchun suvga
nisbatan 3 marta ko‘proq modda qo‘shish kerak bo‘ladi.
Suvli benzin emulsiyalarini olish uchun yana ultratovushli
gidrodinamik dispergatordan foydalanish tavsiya etiladi. Bunda ak-
tiv sirtga ega bo‘lgan moddalar sifatida suvning 10 foiz miqdorida
pentol va ОП–7 larning aralashmasi ishlatiladi. Emulsiyadagi suv
ning miqdori 10–13 foizni tashkil etadi va bunday aralashmani
saqlash muddati bir sutkadan ortmaydi.
