Konchilik ishi asoslari

Fizik-mexanik o‘zgarishlarga atmosfera havosi, suv, tuproq tarkibi va xususiyatlarining o‘zgarishi, suv arteriyasi o‘zanlari va oqimlarining o‘zgarishi kiradi. Bunday o‘zgarishlarga quyidagi ishlar sabab bo‘ladi:

• 
  kon ishlaridan havoga chang va aerozollar ko‘tarilishi;
  
• 
  boyitish ishlaridan tarkibi muallaq moddalarga boy bo‘lgan oqovalarning hosil bo‘lishi.
  

5. 
   Termik o‘zgarishlarga atmosfera havosi va suv havzasi haroratining ko‘tarilishi kiradi. Bunday o‘zgarishlarga quyidagilar sabab bo‘ladi:
   

• 
  havoning ifloslanishi;
  
• 
  yuqori haroratli suvlarning tog‘ jinslariga singib kirishi.
  

Rus olimlaridan M.E. Pevzner va boshqalar konchilikning atrof-muhitga ta’siri klassifikatsiyasini o‘rganib, bu klassifikatsiyani konchilik sanoatining biosfera tarkibiy qismlariga ta’siriga ko‘ra tuzishni tavsiya etdilar. Unga ko‘ra konchilik ishlab chiqarishi biosferaning barcha tarkibiy qismlariga o‘z ta’sirini o‘tkazadi (10-jadval).
10 - jadval

Konchilik ishlab chiqarishining biosferaga ta’siri turlari va uning oqibatlari

Biosfera elementlari	Biosfera elementlariga ta’sir etuvchi ishlar	Ta’sir oqibatlari
Suv havzasi: yer osti suvlari	Konni quritish ishlari, oqova va drenaj suvlarini relyefga tashlash	Yer osti va yer usti suvlari zaxirasining kamayishi. Tuproqning gidrologik va gidrogeologik holati buzilishi