17
foydalana oladigan faktlar, ma’lumotlar, ilmiy nazariyalar,
qonunlar,
tushunchalardir.
Bilim
– borliqni bilish jarayonining amaliyotda tasdiqlangan
natijasi. Ob’ektiv reallikning inson ongida adekvat aks ettirilishi
(tasavvur, tushuncha,
mulohaza, nazariyalar). U kundalik, ilmiy,
empirik, nazariy bilimlarga ajraladi.
Kundalik bilim sog‘lom fikrga va kundalik amaliy faoliyat
shakllariga asoslanadi va insonning atrof – muhitga moslashuvchi, uning
hatti – harakatlari va oldindan ko‘ra bilishi uchun asos bo‘lib xizmat
qiladi. Uning vazifasi ta’lim – tarbiya
jarayonini nazorat qilishga
ko‘maklashish hisoblanadi.
Ta’lim
– tarbiyani uyushtirishda nazariy, empirik va ilmiy bilimlar
roli va o‘rni beqiyos. Ilmiy bilim ta’lim – tarbiyani takomillashtirish
muammolari echimlarini topishda qo‘l keladi va u tizimli, asosli narsa –
hodisalar mohiyatiga chuqur kirib boradigan bo‘ladi. U empirik va
nazariy darajada bo‘lib, bilimdan empirik va nazariy bilimlarni
shakllantirishda foydalaniladi.
Nazariy bilim
– empirik
holatlarni tushuntirish, ya’ni narsa va
hodisalar mohiyatini bilish imkonini beradigan qonuniyatlarni ochishni
nazarda tutadi.
Bilim bilishni amalga oshiruvchi asosiy omil bo‘lib, dunyoni
bilishning negizini
tashkil etadi va u tufayli ilm, fan, texnika –
texnologiyalar rivojlanishi ta’minlanadi. Demak, bilimni ob’ektiv
mavjudod haqidagi yoki muayyan sohaga oid ma’lumotlar majmui, deb
ham ifodalash mumkin.
