M. E. Mamarajabov, D. E. Toshtemirov, O‘. A. Yuldashev informatika o‘qitish metodikasi

Download 5,02 Mb. Pdf ko'rish
bet	59/251
Sana	06.09.2024
Hajmi	5,02 Mb.
	#270410

1 ... 55 56 57 58 59 60 61 62 ... 251

Bog'liq
Inf met

"Chigal mantiqiy zanjirlar"
O‘qituvchi besh- oltita alohida hodisalarni yozib qo‘yadi. Bu
hodisalar xronologik yoki sabab–oqibat zanjirlaridan bo‘lishi mumkin.
Har bir hodisa alohida varaqqa yoziladi va ular aralashtirib yuboriladi.
Guruhga ushbu varaqlarni mantiqan to‘g‘ri tartibini tiklash vazifasi
beriladi. Buning uchun ketma–ket o‘quvchilar chaqiriladi va har biriga
bittadan hodisani zanjirdagi o‘z o‘rniga qo‘yish vazifasi beriladi.
Hodisalarni zanjirga terib bo‘lishgandan so‘ng, bo‘lib o‘tgan hodisa
haqidagi matnni o‘qiydi, o‘quvchilar esa o‘zlarining takliflari to‘g‘ri
yoki noto‘g‘ri ekanligini tekshirib boradilar.

"Chop etilgan materiallar bilan ishlash"
Ushbu metodika kerakli axborotni izlash, nazariy ma’lumotlarni
mustahkamlash va tasniflash, yangi nazariy materialarni tushunib
olishda qo‘llanilishi mumkin.
Sinf 4 – 6 kishidan iborat kichik guruhlarga bo‘linadi. Guruhlar bir
xil yoki har xil gazeta, jurnallardan kabi chop etilgan zarur materiallarni
oladilar.
Vazifa aniq bir mavzu bo‘yicha axborot topish xususida bo‘lishi
mumkin.
Har bir guruh qo‘lidagi chop etilgan materiallardan vazifaga oid
materiallarni olib (maqolalarni, rasmlarni qirqib olib) plakatlarga
yelimlab, tegishli izohli matn tayyorlashadi. Shundan so‘ng qilgan ishini
namoyish etib, tushuntirib berishadi. Boshqa guruhlar esa savollar
beradilar va ishni baholaydilar.
Ushbu metod qo‘llanganda, izohli matnlarni tayyorlash ishi
tugallangandan so‘ng, barcha qolgan materiallar yig‘ishtirilib olinishi
kerak. Aks holda o‘quvchilar gazeta yoki jurnallardagi qiziqarli
maqolalarni o‘qishga kirishib ketadilar va boshqalarning ma’ruzalarini
tinglamaydilar.

"Mejduusobchik"
O‘qituvchi tomonidan muammo qo‘yiladi. Sinf guruhga bo‘linadi.
1.
Guruh ichida muammo hal etiladi. Guruhning har bir a’zosi
muhokamaning oxirida ushbu guruh qabul qilingan muammoni yechish
yo‘li haqidagi ma’lumotga ega bo‘lishi lozim.

81
2.
Dastlabki guruhlar tarqatiladi va yangi guruhlar tashkil etiladi.
Bu guruhlar "harflar birligi" tamoyili bo‘yicha tashkil etiladi: AAAA,
BBBB, VVVV, GGGG. Yangi guruhning har bir a’zosi oldingi guruhi
qabul qilingan masalani yechish yo‘lini boshqalarga tushuntiradi (10
minut). Umumiy yoki eng yaxshi yechim tanlanadi.
3. Birinchi tashkil etilgan guruhlar yana tiklanadi. Qatnashchilar
endi muammoga boshqa nazar bilan qaragan holda va eychimlar
ko‘pligini bilgan holda yig‘iladilar va muloqatda bo‘ladilar (10 minut).

Download 5,02 Mb.

1 ... 55 56 57 58 59 60 61 62 ... 251

Download 5,02 Mb.

Pdf ko'rish