3
s.) tanınmadan distant öyrənmə mümkündür. Bir çox insanlar üçün DT ən gözəl çıxış yoludur, iş
və təhsil fəaliyyətinin paralel aparılmasına imkan yaranır. Tədrisin gedişinə yaş faktoru təsir
etmir, amma yaşa görə qruplara ayrılma vacibdir. Qeyd edək ki, bəzən yaşlı və gənclərdən ibarət
qrupun yaradılması daha faydalı olur, çünki yaşlıların təcrübəsi ilə gənclərin müxtəlif istiqamətli
qabiliyyətlərindən istifadə maksimal effekt verə bilər.
Müasir texnologiyaların tətbiqi nəhəng elektron kitabxanalardan istifadə etməklə tədrisin
keyfiyyətinin yüksəldilməsinə, vahid tədris mühitinin yaradılmasına (bu məsələ
korporativ
təlimlərdə xüsusilə aktualdır) şərait yaradır.
DT daha individual xarakter daşıyır, daha elastikdir, dinləyicilər ayrılıqda hər hansı dərsə təkrar-
təkrar qayıda bilər, öyrənməyə ehtiyac duymadıqları bölmələri öyrənməyə bilərlər. Dinləyici
tədris materialını təkcə sessiya müddətində deyil, bütövlükdə tədris prosesi zamanı öyrənir, yəni
məqsəd imtahan vermək deyil, materialı mənimsəməkdir (öyrənən imtahan prosesinə özündə
olan zəiflikləri aşkara çıxarmaq kimi baxmalıdır). Bu da dərin biliklərin qazanılmasını təmin
edir. Belə öyrənmə sistemi təhsilalanı müstəqil məşğul olmağa, özünüöyrətmə, özünü
təkmilləşdirmə bacarıqları qazanmağa məcbur edir. Təcrübə göstərir ki, DT alan tələbə daha
müstəqil, mobil və məsuliyyətli olur. Bu keyfiyyətləri olmasa, o oxuya bilməz. Öyrənmə
motivasiyası böyük olanlarda başlanğıc dövrdə bu keyfiyyət olmasa belə, tədris prosesində onlar
inkişaf edir və sonda dövrün tələblərinə uyğun mütəxəssislər hazırlanır. DT öyrənənin
yaradıcılıqla özünütəsdiq, özünüifadə etməsi üçün yeni imkanlar açır.
