124
Portugaliya
Integratsiyalashgan bolalarga yordamlashish bevosita sinfda
maktab o‘qituvchilari tomonidan ta’minlanadi. Aynan uning o‘zi
o‘quv dasturini yakunlash uchun javobgardir. Sinfda echish uchun
o‘qituvchi tayyor bo‘lmagan turli muammolari (o‘qishda jiddiy
qiyinchiliklar, xulq buzilishi va h.) mavjud bir necha o‘quvchi paydo
bo‘lishi mumkin. O‘qituvchi bola qanday qiyinchiliklarga duch
kelayotganini bilmasligi mumkin, differensiyalangan individual
ta’limni tashkil qilish uchun yetarlicha kasbiy bilimlarga ega bo‘l-
masligi mumkin. Umumta’lim maktablari pedagoglari o‘quvchilar
uchun individual dasturlar, maxsus ta’limga muhtoj o‘quvchilarni
o‘qitishning kundalik amaliyotida yordamchi texnik vositalar va
yangi texnologiyalardan foydalanish malakalarini egallashga muhtoj-
dirlar. 1997 yildagi 105/97-sonli qonun umumta’lim maktablarining
integratsiyalashgan o‘quvchilar ta’lim berishning sifati uchun javob
beradilar. Uning qabul qilinishi makatab uchun zarur resurslr
to‘g‘risida tasavvurlarni o‘zgartirish bilan bog‘liq edi. Tashqaridan
mutaxassislarni jalb qilish o‘rniga umumt’lim maktablari shtatlarini
boshqa tarzda butlash lozimligi tan olindi. Kadrlarga oid siyosatning
o‘zgarishi fan o‘qituvchilariga yanada xilma-xil va tashkiliy yordam
berishni ta’minlashga, maktab ichida fan o‘qituvilariga ularning ishi
bo‘yicha maslahat berishni ta’minlashga qaratilgan. Zaruriyatga
qarab turli maktablarda ishlashi mumkin maxsus pedagoglarning
asosiy vazifasi quyidagilardan iborat: o‘quv bo‘limi mudiri va
umuman maktab, hamda integratsiyalashgan o‘quvchi shug‘ullana-
digan sinf o‘qituvchilari bilan hamkorlik. Mutaxassis o‘qituvchiga
o‘quv dasturini moslanuvchan ravishda qayta tuzish, uni o‘quvchi
imkoniyatlariga mos ravishda differensiyalash, ta’limning maxsus
uslublaridan foydalanishda ko‘maklashadi.
