116
huquqiy munosabatlarga xos bo‘lgan barcha
belgilarga egadir. Bu, xususan,
ularning obyektiga,
davlat yoki u tomonidan vakolat berilgan organning
ushbu munosabatlar majburiy subyekti sifatida
mavjud bo‘lishiga, davlat krediti sohasidagi huquqiy
munosabatlarning davlat-hukmronlik xususiyatiga
tegishlidir.
Moliyaviy huquqiy munosabatlar, ma’lumki,
mulkiy xususiyatga ega, chunki ular pul mablag‘lari
sababli yuzaga keladi. Biroq davlat krediti bo‘yicha
ushbu munosabatlar obyekti har qanday pul mablag‘lari
emas, balki yuridik va jismoniy shaxslarning faqat
vaqtincha bo‘sh turgan mablag‘lari bo‘lishi mumkin.
Davlat krediti sohasida nafaqat davlat qarz
majburiyatlari bo‘yicha munosabatlar,
balki davlat qarzi
ishlashiga vositachilik qiluvchi huquqiy munosabatlar
ham yuzaga keladi. Ular jumlasiga quyidagilar kiradi:
Î
Hukumat bilan Markaziy bank o‘rtasida kelgusi
moliya yilida kreditlashning
ichki va tashqi
manbalaridan qarz olish rejalari to‘g‘risida
maslahatlashish vaqtida vujudga keladigan
huquqiy munosabatlar;
Î
O‘zbekiston Respublikasi davlat qarz
majburiyatlarini chiqarish shartlari, davlat
zayomlari bo‘yicha xizmat ko‘rsatish va ularni
muomalaga
chiqarish tartibini belgilash;
Î
davlat qisqa muddatli obligatsiyalari bozorida
dilerlik funksiyalarini bajarish uchun
shartnomalar tuzish, shuningdek, davlat
zayomlari obligatsiyalarini joylashtirish va
muomalaga chiqarish bilan bog‘liq bo‘lgan
tashkilotlar faoliyatini nazorat qilish vaqtida
Markaziy bank bilan tashkilotlar o‘rtasida
yuzaga keladigan huquqiy munosabatlar va h.k.
