§4.3. ARALASHTIRISH, SHAKL BERISH VA PRESSLASH JIHOZLARNI O`RNATISH, TA`MIRLASH VA SOZLASH

Farsh aralashtirgich staninadan, tog’oradan, aralashtiruvchi vintlardan, qopqog’dan, aralashtirish vintlarining va tog’orani to`nkaruvchining yuritmalaridan iborat. Stanina profilli po`latdan payvandlab ishlangan, tog’ora va qopqoq zanglamaydigan po`latdan tayyorlangan. Aralashtiruvchi vint yuritmasiga elektrodvigatel, ponasimon tpsmali va tishli uzatma kiradi. Tog’orani to`nkaruvchi yuritmasiga elektrodvigatel, chervyakli reduktor va chervyachli uzatma kiradi. Qopqopni 0,25 m ko`targanda aralashtiruvchi vintlar yuritmasi avtomatik tarzda ishdan to`xtalishi uchun qurilma mavjud.

Farsh aralashtirgich montajga yig’ilgan holda keladi. Oldindan qurilgan fundamentga takelaj mexanizmlari bilan o`tqaziladi va obtarozi yordamida gorizontallik holatini tekshiriladi. Bunda gorizontallikdan ruxsat etilgan og’ish qiymati 1 m uzunlikda 0,1 mm ni tashkil qilishi kerak. Fundamentga mashina M18 fundament boltlari bilan mahkamlanadi. Fundamentda bo`yi bo`yicha suv oqib tushishi uchun kanalcha o`yilgan bo`lishi kerak.

Mashinani sinovdan o`tkazishdan oldin yuritma tasmalari tortilganligi, barcha moylanadigan joylari moylash kartasi bo`yicha moylanganligi, aralashtiruvchi vintlarning ikki yo`nalishda (soat strelkasi bo`yicha va unga qarshi) aylanishi, tog’oraning to`nkarishi, qopqog’ni ochganda avtomatik qurilmaning ishlashi tekshiriladi.

1–stanina; 2–aralashtirgich yuritmasi; 3–tog’ora; 4–aralashtirish vintlari; 5–qopqoq; 6–tog’orani to`nkarish yuritmasi; 7–to`nkarishni chegaralovchi; 8–reduktor; 9–elektrodvigatel; 10–elektrqurilma; 11–elektrodvigatel.

Mashinani yuklama ostida ishlatish paytida asosiy e`tibor uzatmalarning (tasmali, tishli, chervyakli uzatmalarning) holatiga, moylash rejimiga rioya qilishga, podshipniklarning isib ketmasligiga qaratiladi. Agar sinov paytida farshga moylash moddasi aralashsa, podshipnik tsapfalarida va karterda salnikni zichlagichlarni qattiqroq tortish kerak.

Mashinani yuvishda elektrodvigatellarda suv tushmasligi kerak.

Asosiy yeyiladigan detallari: aralashtirish vintlari, ularni ushlab turadigan valning podshipniklarda tayanib turadigan bo`yinchasi va vintlar mahkamlangan joyi. Ularni ta`mirlash detallarni qayta tiklash usullari bo`yicha olib boriladi.

Farsh aralashtirgichlarda uchraydigan nosozliklar va ularni bartaraf qilish yo`llari 4.3.2- jadvalda keltirilgan.
4.3.2- jadval. Farsh aralashtirgichlarda uchraydigan nosozliklar va

ularni bartaraf qilish yo`llari

Nosozlik va buzilish	Keltirib chiqaruvchi sabab	Bartaraf etish yo`li
Asosiy elektrodvigatel qattiq isiyapti Aralashtirgich ishlayotganida toqorada shovqin eshitilyapti Toqora to`nkarilgandan keyin farsh qoraroq rangda bo`lib, qisman ifloslangan	Motor korpusida suv kirib, obmotkasi namlangan Vint vali podshipniklari nosoz Podshipnik vkladishlari ishdan chiqqan va vint toqora devoriga tegyapti Toqora yuzasi eyilgan yoki yuzasida zang paydo bo`lgan. Bunday holda mashina ishi butunlay to`xtatiladi.	Motorni ochib, obmotkani quritish Podshipnik korpusini ochib, nosozlikni bartaraf etish Podshipnikni ta`mirlash yoki almashtirish kerak, vintning toqora devoriga tegishini bartaraf qilish kerak Zanglangan joylar tozalanadi, toqoraning eyilgan joylari oziq ovqat sanoatida ishlatiladigan toza rux bilan qoplanadi.

Davriy ishlaydigan xamir qorish mashinasi. Davriy ishlaydigan TMM-1M rusumidagi xamir qorish mashinasi 39 % dan kam bo`lmagan namligi bo`lgan xamir va oparani 140 l sig’imli qozonda qorish uchun ishlatiladi. Bu mashina kichik quvvatli non va konditer mahsulotlari ishlab chiqarish korxonalarida qo`llaniladi. Mashina poydevorga o`rnatilgan plita, stanina, qoruvchi organ, qo`zg’aluvchan qozon- D-140 va yuritmadan iborat. Qorish organining yurgizuvchi mexanizmi chervyakli g’ildirak va sharnirli vilkadan iborat. Chervyakli g’ildirak aylanganda qoruvchi organ uchi konus shaklida, 2,09 rad burchak ostida qayrilgan richag murakkab shaklda aylanadi. Qo`zg’aluvchan qozon pastki qismida chervyakli shesternyasi bor. Bu shesternya chervyak bilan ilashmaga kirib, qozon majburiy aylantiriladi. Chervyak valiga o`rnatilgan krivoship, o`q va tyaga yordamida qozon qalpog’i ko`tarilib tushiriladi. Mashina yuritmasi elektrodvigatel va ponasimon tasmali uzatmadan iborat. Qalpoq tushirilganda friktsion yarimmufta elektrodvigateldan aylanayotgan shkiv diskining ichki sirtiga yopishadi va qorish organiga harakatni etkazadi. Qorish tugagandan keyin qalpoq ko`tariladi va qozon hamda qorish organi harakati to`xtatiladi.
TMM-1M rusumidagi xamir qorish

mashinasi texnik xarakteristikasi

Ish unumdorligi, t/sut.................................................7

Xamir uchun qozon sig’imi, m³ .............................0,140

Kuraglar aylanish chastotasi, ayl/min ...... ............ 24,9

Elektrodvigatel quvvati, kVt ...................... ..............2,2

Gabarit o`lchamlar, mm .................................1325 × 795 × 1110

Massa, kg ...................................................................293
Xamir qorish mashinasini montajga yig’ilgan holda mexanik uslubda olib kelinadi va oldindan tayyorlab qo`yilgan tayanchga o`rnatiladi. Gorizontallik va vertikallik holati obtarozi va shoqul bilan tekshiriladi. Gorizontallikdan uzunlikka og’ish 0,05 mm , balandlik belgisi bo`yicha ± 5 mm, yuqoridan qaraganda o`qlar bo`yicha og’ish ± 10 mmdan ko`p bo`lmasligi kerak. Gorizontallik holati fundament plita tagiga po`lat tiqin qo`yish bilan rostlanadi. Mashina holati yuqoridagi talablarga javob bergandan keyin tayanchga to`rt dona M20 anker boltlari bilan mahkamlanadi. Ishlatishdan oldin himoya moylash qatlami olinadi, ponasimon tasmalar tarangligi tekshiriladi, qorish organi aylanish mexanizmi korobkasiga mashina moyi quyiladi, boshqa ishqalanish yuzalari moylanadi, tasmali uzatma uchun himoya to`sig’i qo`yiladi. Qozonni fundament plitasiga ehtiyotlik bilan zarbasiz etaklab qo`yiladi. Qozonning plitaga to`g’ri o`tirishi va chervyakning qozon chervyakli shesternyasiga ilashishi tekshiriladi. Qorish organi kuragi va qozonning ichki yuzasi orasidagi oraliq 2-3 mm ni tashkil qilishi kerak. Qorish organini qo`l bilan aylantirish uchun elektrodvigatel vali ikkinchi uchida maxovik o`rnatilgan.



4.3.2- rasm. TMM-1M rusumidagi xamir qorish mashinasi

1- to`siq-qalpoq; 2- richag; 3- sharnir vilkasi; 4- krivoship; 5- yulduzcha stupitsasi; 6- maxovik; 7- stanina; 8- elektrodvigatel; 9- zanjirli uzatma; 10- yulduzcha; 11- bosh reduktor; 12- biriktiruvchi valik; 13- qoruvchi organ; 14- maydoncha-asos; 15- chervyakli reduktor; 16- disk; 17- yo`naltiruvchi kurak; 18- uch g’ildirakli karetka; 19- sig’im; 20- shlitsali vtulka; 21- flanets; 22- kvadrat xvostovik; 23- karetka stupitsasi.

Xamir qorish mashinasini ta`mirlashda yuritma uzatmalari, qoruvchi organ richagi va podshipniki, krivoship, fundament plitadagi chervyakli shesternya holati ko`riladi. Xamir qorish mashinasida uchraydigan nosozliklar va ularni yo`qotish yo`llari 4.3.3.- jadvalda ko`rsatilgan.

Bu mashina stanina, qorish sig’imlari, aralashtiruvchili ta`minlovchi, barabanli un o`lchab beruvchidan iborat. Qoruvchi sig’im ustidan ikkita organik shishadan yasalgan qopqop bilan yopilgan. Qoruvchi sig’im shakli tog’oraga o`xshagan bo`lib, zanglamaydigan po`latdan yasalgan. Sig’im ichida sig’imdan chiqib turgan tebranish podshipniklariga tayanib turgan 2 ta parallel vallar joylashgan. Bu vallarga echib olinadigan qorish kuraklari o`rnatilgan. Bu vallar elektrodvigatel, tsilindrik reduktor va tsilindrik tishli uzatmadan tarkib topgan yuritma orqali harakatlantiriladi.

1- un ta`minlovchi; 2- un dozatori; 3- olinadigan qopqop; 4,5 - joyida turuvchi qopqoplar; 6- qoruvchi sig’im; 7- stanina; 8- un balandligi haqida signal beruvchi moslama; 9- teshik; 10- to`siqlar; 11- boshqarish pul’ti.

Mashinani ishlatishdan oldin qorish vallari va tog’ora devorlari orasidagi oraliq tekshiriladi: qorish vallari va tog’ora tagligi orasidagi oraliq 2,5 mm dan; tog’ora devorlari orasidagi oraliq 5 mm dan; kurak va tog’ora yon tomoni orasidagi oraliq 2 mm dan ko`p bo`lmasligi kerak. Sharnirli birikma holati ko`riladi: u bir me`yorda qayrilishi kerak. elektrodvigatel va reduktor vallari o`qdoshligi, tishli uzatma ilashmasi, qopqoqning korpusga zich yopishishi (qorpus va qopqoq orasidagi yopish nuqtalarining barchasida tirqish 1,5 mm dan ko`p bo`lmasligi kerak), blokirovka mexanizmi tekshiriladi. Tog’ora begona predmetlardan tozalanadi. Reduktor moy bilan va maslyonkalar quyuq moylash materiali bilan to`ldiriladi.

Xamir qorish mashinasida uchraydigan nosozliklar va ularni yo`qotish yo`llari 4.3.4- jadvalda ko`rsatilgan.

1-tashuvchi transporter; 2- profil beruvchi qalqon; 3- shakl beruvchi transportyor; 4,6,15- shturvallar; 5- havo keladigan nasadka; 7, 9,10,12,13 - valiklar; 8- etkazuvchi transportyor; 11- stanina; 14- egiluvchan panjara; 16-yo`naltiruvchi.

Mashinani har bir smena oxirida elektrodvigatelning o`chirilgan holatida tozalash kerak. Barabanning ishchi sirtini shetka va kurakcha bilan barabanni aylantirib tozalanadi. Ishqalanayotgan yuzalar moyidan xabardor bo`lib turish lozim. Har oyda bir marta podshipniklar moylash holati tekshirilib boriladi.

Xamirga shakl berish mashinasini ishlatishda yuzaga keladigan asosiy nosozliklar va ularni yo`qotish usullari quyidagi 4.3.5- jadvalda keltirilgan.
4.3.5- jadval. Xamirga shakl berish mashinasini ishlatishda yuzaga keladigan asosiy nosozliklar va ularni yo`qotish usullari

Nosozlik va buzilish	Keltirib chiqaruvchi sabab	Bartaraf etish yo`li
Xamir bo`laklari mashina ishchi organlariga yopishib qoladi Xamirga ishlov berishda ikkiga bo`linadi Xamirga shakl beruvchi qism yo`naltiruvchiga yopishib qolyapti Xamir bo`laklari noto`g’ri shakl bilan chiqadi Transporter lentasining barabandan bir tomonga qochishi	Mashina ishchi organlari yaxshi yuvilmagan. Ishchi organlar yaxshi quritilmagan. Xamir bo`laklarini ishlov berishga bir me`yorda berilmasligi oqibatida xamir bo`laklarining ishchi organlar sirtiga yopishib qolishi Pichoqlar va shakl beruvchi valiklar orasidagi oraliq oshgan Presslovchi yoki shakl beruvchi plitaning qiyshayishi Tortuvchi baraban qiyshayishi Lenta noto`g’ri tikilgan	Ishchi organlarni mukammal tozalash Berilayotgan havoni miqdorini ko`paytirish yoki yo`nalishini rostlash kerak Xamir bo`laklarini berishni rostlash Shakl beruvchi baraban ustiga un sepish miqdorini ko`paytirish Pichoqlar va shakl beruvchi valiklar orasidagi oraliqni rostlab, ular orasini 0,15 mm qilish kerak Ko`tarish mexanizmlari yordamida plita holatini rostlash Tortuvchi baraban holatini rostlash Lentani ochib, to`g’ri tikish

ШР-1 M rusumidagi shakl beruvchi mashina . Shakarli pechen’elarga shakl berish uchun rotorli shakl beruvchi mashina ШР-1 M ishlatiladi. Mashinaning asosiy ishchi organlari bo`lib yuklovchi voronka, yuzasi ariqchali valik, shakl beruvchi rotor, tozalovchi pichoq va lentali tranporter xizmat qiladi. Lentali tranporter yuritma va tortuvchi baraban hamda yo`naltiruvchi roliklardan iborat.

Mashina elektrodvigatel, ponasimon tasmali uzatma va tezliklar variatori orqali harakatlantiriladi. Tezliklar variatori orqali ishchi organlar harakat tezligi rostlanadi. Tranporter harakat tezligini esa yuritma barbani yuzasidagi qo`zg’aluvchan segmentlarni ochish orqali kattalashtirib o`zgartirish mumkin. Pichoq holati ikki tomonlama chervyak-vintli mexanizm hisobidan rostlanadi. Qabul qiluvchi voronka yuqorisiga himoya panjara o`rnatilgan. ehtiyot panjara yuqoriga ko`tarilganda elektrodvigatelni o`chirish moslamasiga tegib ketadi va o`chirgich elektrodvigatel ishini avtomatik ravishda to`xtatadi.

1- tezlik variatori; 2- lotok; 3,5- chervyak-vintli mexanizm; 4- qo`zg’almas pichoq; 6- valik; 7- ta`minlovchi voronka; 8- eletrodvigatelni o`chirish moslamasi; 9- shakl beruvchi rotor; 10- yuritma barabani; 11- baraban; 12- yo`naltiruvchi roliklar; 13- transporter; 14- elektrodvigatel; 15- yo`naltiruvchi pichoq.

Karamelni sovutish mashinasi (4.3.7 - rasm) qabul qilish voronkasi 3, aylanadigan sovutish barabanlari 5 va 6, qiya sovutish plitasi 7, kristalik kislota, essentsiya va oziqaviy bo`yoqlarni dozalash uchun dozatorlar 8 va 9, o`raladigan tarnovchalar 10, cho`zuvchi tishchali g’ildirakchalar 11 dan iborat. Barabanlar 5, 6 va qiya plita 7 ning ichi bo`sh bo`lib, ular uzluksiz ravishda 12-18<sup>0</sup>C temperaturga ega bo`lgan vodoprovod suvi bilan sovutiladi. Mashinaning ishchi organlari elektrodvigatel 1, reduktor 2, tishli va zanjirli uzatmalar sistemasi yordamida harakatlantiriladi.

Namligi 1,5-3 % gacha, qaynatilgan karamel massasi vakuum-apparatdan qabul qilish voronkasi 3 ga quyiladi, aylanadigan sovutish barabanlari 5 va 6 orasidan o`tadi va qalinligi 4-5 mm va eni 400-500 mm bo`lgan tasma ko`rinishida qiya sovutish plitasi 7 bo`ylab uzluksiz harakatlanadi. Pastki sovutish barabani yuzasi bo`ylab o`tish paytida karamel massasi tasmasida yopishish oldini oladigan va 12- 30⁰ burchak ostida o`rnatilgan qiya sovutish plitasi bo`ylab yaxshi o`tishni ta`minlaydigan qobiq hosil bo`ladi. Bunday burchakdagi qiyalikda massa plita bo`ylab bir tekis tezlik bilan sirpanadi. Barabanlar 5 va 6 orasidagi tirqish maxovik 4 bilan rostlanadi. Plita 7 ustida, o`rovchi tarnovchalar oldida dozatorlar 8 va 9 o`rnatilgan. Ulardan karamel massasining tasmasi yuzasiga ma`lum nisbatda uzluksiz ravishda kristalli limon kislotasi, bo`yoq, essentsiya beriladi. Sovutish plitasining pastki qismida karamel massasi tarnovchalar 10 orasidan o`tishi paytida tasma chetlariga o`raladi. Bunda tasmaning sovugan qobig’i ustiga, qo`shimchalar esa uning ichida qoladi. Keyin massa cho`zuvchi tishchalar 11 orasidan o`tkaziladi. U tasmaning plita bo`ylab bir tezlikda harakatlanishini ta`minlaydi va qisman bosadi.

Mashinaning unumdorligini qabul qilish voronkasida o`rnatilgan to`siq yordamida, karamel massasi tasmasining qalinligini o`zgartirish yo`li bilan rostlash mumkin.

Karamel massa tasmasi sovutish mashinasidan taxminan 20 s vaqt ichida o`tadi. Bu vaqtda 125-130<sup>0</sup>C dan 90-95<sup>0</sup>C gacha sovutiladi. Massaning oxirgi temperaturasini sovutiladigan suvning miqdori va tasmaning qalinligini o`zgartirish yo`li bilan rostlash mumkin.

4.3.6- rasm. Karamelni sovutish mashinasi NOM-2 umumiy ko`rinishi.

Xamir qorish mexanizmi ichiga diametri 60 mm li val joylashtirilgan zanglamaydigan po`latdan yasalgan tog’oradan iborat. Valga quyidagi ketma-ketlikda ishchi organlar mahkamlangan: tog’ora yon devorlariga yopishgan xamirlarni tozalovchi pichoq ; tog’orada xamir sathini talab darajasida bo`lishini, xamirni qayta ishlanishini va tog’ora ichida harakatini ta`minlovchi etti dona parrak ; presslovchi qobiqqa xamir kirishini ta`minlovchi turtgich.

Xamir qorish mexanizmidan presslash qobig’iga kiradigan xamir miqdori zaslonka yordamida boshqariladi.

Xamir qorgich yuqoridan uning valiga o`rnatilgan kulachokli mufta orqali muhofazalangan panjara bilan biriktiriladi. Qopqoqni ochish faqatgina xamir qorgich vali aylanishi to`xtagandan keyingina mumkin bo`ladi.

Presslovchi qobiq ikki tomonida flanetslari mavjud bo`lgan tsilindrik quvurdan iborat. Qobiq bir flanets bilan asosiy uzatmaning reduktoriga, ikkinchi flanets bilan presslovchi kalakga qotiriladi. Qobiq ichiga uch yo`lli zveno bilan tugallanadigan bir yo`lli presslovchi shnek o`rnatilgan. SHnek o`rtasida o`ramli parrakni ajratish joyi mavjud va bu erda xamirning o`tuvchi kanal orqali harakatini ta`minlash maqsadida shayba o`rnatilgan.

Presslovchi qobiqning oxirida suv ko`ylagi mavjud bo`lib, bu ko`ylak orqali vodoprovod suvining tsirkulyatsiyasi amalga oshiriladi.

Presslovchi kallak yaxlit konstruktsiyali gumbazsimon shaklda bo`lib bir dona aylana matritsani o`rnatish uchun mo`ljallangan. Presslovchi kallakning ichki hajmi 9 dm³ ni tashkil qiladi.

Shishiruvchi qurilma elektrodvigatelga o`rnatilgan markazdan qochma ventillyator va aylana teshiklari mavjud soplodan iborat. Soplodagi teshiklar aylanasining diametri 8 mm ni tashkil qilib, havo o`tishi uchun foydali qismi 45-50 % dan iborat. Soploga ventillyator orqali berilayotgan havo teshiklar orqali o`tib ho`l makaron mahsulotlarini shishiradi.

Quvurlar tizimi issiq va sovuq suv berish hamda to`kish maqsadida va presslash qobig’ini vakuum nasos bilan birlashtirish uchun ishlatiladi.

Press staninasi payvandlangan karkasdan iborat bo`lib, unga pressning ishchi jihozlari qotiriladi. Bundan tashqari staninaga to`siqli maydoncha va pressga xizmat ko`satish uchun norvoncha ham mahkamlanadi.

Pressning vakuum tizimi xamir o`tkazish kanalida atmosfera bosimidan past bosimni ushlab turishi uchun xizmat qiladi. Bu esa o`z navbatida xamir massasidagi bug’-havo aralashmasini ajratib olishga sabab bo`ladi hamda xamirning zich strukturasini hosil qiladi.

Makaron pressining barcha asosiy qismlari staninaga o`rnatilgan. Montajdan oldin loyihada ko`rsatilgandek o`lchov-belgilash ishlari olib boriladi. Montajga press mexanik tarzda ko`tarish mashinasi yoki mexanizmi yordamida 4.3.8- rasmda ko`rsatilgan spropovkalash sxemasi asosida olib kelinadi, oyoqlariga mos ravishda poydevor quriladi. Poydevor ustiga quyilib, gorizontallik va vertikallik holati obtarrozi, shoqul yordamida tekshiriladi. Gorizontallik holati aniqligi 1 m uzunlikga 0,08-0,1 mm, balandlik belgisi bo`yicha og’ish ± 10 mm, yuqoridan qaraganda o`qlar bo`yicha og’ish ± 10 mm bo`lishi kerak. Gorizontallik holati stanina oyoqlari tagiga po`lat tiqin qo`yish bilan rostlanadi va fundamentga to`rt dona M20 poydevor boltlari bilan mahkamlanadi. Mashinani ishlatishdan oldin barcha ishchi mezanizmlar moylash joylarig moy surtiladi va qo`l bilan aylantiriladi. Barcha ishchi organlar engil aylanishi kerak.

Pressni ishlatish natijasida qoruvchi vallar podshipniklari, qoruvchi kuraklar, matritsalar eyilishi, kuraklarni mahkamlovchi boltlar sinishi, dozator va yuritma mexanizmlari ishdan chiqishi mumkin. Eyilgan matritsa, podshipniklar, singan boltlar yangisiga almashtiriladi, qolgan barcha ishchi organ va mexanizmlar yuqorila ko`rib o`tilgan ta`mir usullari bilan ta`mirlanadi.



4.3.8- rasm. Pressni spropovkalash sxemasi

ASOSIY TAYANCH IBORALAR:

To’lish kjeffitsienti; Elektruritma quvvati; Davriy va uzluksiz ihlash rejimi;

O’rnatish ketma-ketligi; Gorizontallik va vertikallik holati; Salt holatda va yuklama ostida sinovdan o’tkazish.

ASOSIY TAYANCH TUSHUNCHALAR:
* Farsh aralashtirgich Л5–ФM2–M montajga yig’ilgan holda keladi. Oldindan qurilgan fundamentga takelaj mexanizmlari bilan o`tqaziladi va obtarozi yordamida gorizontallik holatini tekshiriladi. Fundamentga mashina M18 fundament boltlari bilan mahkamlanadi. Asosiy yeyiladigan detallari: aralashtirish vintlari, ularni ushlab turadigan valning podshipniklarda tayanib turadigan bo`yinchasi va vintlar mahkamlangan joyi. Ularni ta`mirlash detallarni qayta tiklash usullari bo`yicha olib boriladi.

*Xamir qorish mashinasini montajga yig’ilgan holda mexanik uslubda olib kelinadi va oldindan tayyorlab qo`yilgan tayanchga o`rnatiladi. Xamir qorish mashinasini ta`mirlashda yuritma uzatmalari, qoruvchi organ richagi va podshipniki, krivoship, fundament plitadagi chervyakli shesternya holati ko`riladi.

*XTЗ-1 rusumidagi xamirga shakl berish mashinasi mexanik yo`l bilan montajga olib kelinib poydevor ustiga qo`yiladi. Gorizontallik holati tekshiriladi. Mashina fundamentga 4 dona M20 poydevor boltlari bilan qotiriladi. Mashina sinov paytida begona shovqinsiz bir me`yorda ishlashi kerak. Salt holat sinovi ikki soat davom etadi.

* Montajga ЛПЛ-2 M usumidagi press mexanik tarzda ko`tarish mashinasi yoki mexanizmi yordamida olib kelinadi, oyoqlariga mos ravishda poydevor quriladi. Poydevor ustiga quyilib, gorizontallik va vertikallik holati obtarrozi, shoqul yordamida tekshiriladi. Pressni ishlatish natijasida qoruvchi vallar podshipniklari, qoruvchi kuraklar, matritsalar eyilishi, kuraklarni mahkamlovchi boltlar sinishi, dozator va yuritma mexanizmlari ishdan chiqishi mumkin. Eyilgan matritsa, podshipniklar, singan boltlar yangisiga almashtiriladi, qolgan barcha ishchi organ va mexanizmlar yuqorila ko`rib o`tilgan ta`mir usullari bilan ta`mirlanadi.

1. 
   Farsh aralashtirgichlar texnik xarakteristikasi va montaj qilish tartibini tushuntiring.
   
2. 
   Farsh aralashtirish mashinasini salt holatda va yuklama ostida sinovdan o’tkazush tartibi.
   
3. 
   TMM-1 M rusumidagi xamir qorish mashinasini montaj qilish qanday amalga oshiriladi?
   
4. 
   И8-XTA- 6 rusumidagi uzluksiz ishlaydigan xamir qorish mashinasi tuzilishi, ishlash printsipi va montaj qilish ketma-ketligini tushuntirib bering.
   
5. 
   I8-XTA-6 rusumidagi xamir qorish mashinasida uchraydigan nosozliklar nimalardan iborat va ularni bartaraf qilish yo`llari haqida ma`lumot bering.
   
6. 
   XTЗ-1 rusumidagi xamirga shakl berish mashinasini montaj qilish, uchraydigan nosozliklar va ularni bartaraf qilish usullari.
   
7. 
   ШР-1M rusumidagi shakl berish mashinasining texnik xarakteristikasi va montaj qilish tartibi, uchraydigan nosozliklar va ularni bartaraf qilish usullari.
   
8. 
   ЛПЛ-2 M usumidagi presslash mashinasini montaj qilish tartibi, uchraydigan nosozliklar va ularni bartaraf qilish usullari.
   

• 
  Tayanch ibora va tushunchalar.
  
• 
  Mavzu bo`yicha asosiy formulalar va jadvallar yozuvi.
  
• 
  Mavzu bo`yicha asosiy rasmlar.