|
Taʼlim tashkilotlarini litsenziyalashni tashkil etish boʻyicha Bosh mutaxassisi lavozimBog'liq lavozim yoʻriqnomalariTaʼlim tashkilotlarini litsenziyalashni tashkil etish boʻyicha Bosh mutaxassisi lavozim
Yoʻriqnomasi
1-bob. Umumiy qoidalar
1. Mazkur lavozim yoʻriqnomasi Taʼlim tashkilotlarini litsenziyalashni tashkil etish
boʻyicha bosh mutaxassisi
(bundan buyon matnda – bosh mutaxassis)ning lavozim
majburiyatlari, huquqlari va javobgarliklarini belgilab beradi.
2.
Tuzilma bosh mutaxassisi xizmat faoliyati davomida Vazirga boʻysunadi.
3. Bosh mutaxassis Oʻzbekiston Respublikasi Konstitutsiyasi va qonunlariga, Oʻzbekiston
Respublikasi Oliy Majlisi qarorlariga, Oʻzbekiston Respublikasi Prezidenti Farmonlari, qarorlari
va farmoyishlariga, Oʻzbekiston Respublikasi Vazirlar Mahkamasining qarorlari va
farmoyishlariga, vazirlikning hayʼati qarorlari, vazirning buyruqlariga hamda boshqarma
boshligʻi koʻrsatmalariga (bundan buyon matnda Oʻzbekiston Respublikasi Prezidenti va
Hukumati hamda vazirlikning hujjatlari) amal qilgan holda faoliyatini olib boradi.
2-bob. Bosh mutaxassisning lavozim majburiyatlari
4. Bosh mutaxassis quyidagilarni amalga oshiradi:
litsenziya daʼvogarlari tomonidan kelib tushgan arizalarni oʼz vaqtida va sifatli koʼrib
chiqish;
Taʼlim sifatini baholash, litsenziyalash va akkreditatsiyalash departamenti rahbarlarining
buyruqlari va topshiriqlarining oʻz vaqtida va .sifatli bajarilishini taʼminlash;
yuklangan vazifalar va funksiyalarning sifatli va oʻz vaqtida bajarilishini taʼminlash;
yuklangan barcha vazifalar bajarilishini taʼminlash, taʼlim sifatini takomillashtirish
boʻyicha takliflar ishlab chiqish va Taʼlim sifatini baholash, litsenziyalash va akkreditatsiyalash
departamentiga taqdim etish;
yillik ish reja, taʼlim tashkilotlarini monitoring qilish reja-jadvali va dasturini tuzish hamda
ijrosini taʼminlash;
nodavlat taʼlim xizmatlarini koʻrsatish faoliyati uchun litsenziya talabgorlaridan kelib
tushgan arizalarni oʻz vaqtida koʻrib chiqish;
taʼlim tashkilotlari faoliyatini “Xavfni tahlil etish” tizimi asosida baholab borish va xavfi
yuqori boʻlgan taʼlim tashkilotlarini belgilangan tartibda joyiga chiqib oʻrganish;
taʼlim tashkilotlari faoliyatini muntazam monitoring qilish hamda belgilangan tartibda
joyiga chiqib oʻrganish ishlarini tashkil etish;
kasbiy odob-axloq qoidalari, sanitariya-gigiyena talablari, mehnatni muhofaza qilish,
texnika va yongʻin xavfsizligi qoidalari talablariga rioya qilish.
5. Qonunchilik hujjatlariga muvofiq boshqa funksiyalarni ham amalga oshirishi mumkin.
|
| |
