173
oluvchilarning ma’naviy va axloqiy fazilatlarini rivojlantirish” deb
belgilangan. Ushbu vazifalarni biologiyani о‘qitish jarayonida hal etish
uchun о‘qituvchi darsda umumiy osoyishtalik,
shaxsning rivojlanishi
uchun qulay psixologik muhit, о‘quvchilarda ongli intizomni vujudga
keltirishi, tahsil olishdagi burch va mas’uliyatni tarkib toptirishi lozim.
Ma’naviy-axloqiy tarbiyaning asosiy vazifalaridan biri tabiatni
о‘rganish jarayonida о‘quvchilarda tabiat, mehnat,
insonlarga nisbatan
e’tiborli munosabatda bо‘lish, tabiiy boyliklardan tejab-tergab
foydalanish, topshirilgan vazifalarni tо‘la-tо‘kis, sifatli bajarish,
rasmiylashtirish, ongli intizom, burch va mas’uliyatni
tarkib toptirish,
insonning
qadr-qimmatini
hurmat
qilishga
о‘rgatish sanaladi.
О‘quvchilarni ma’naviy-axloqiy tarbiyalashda о‘quv faoliyatini
rag‘batlantirish va asoslash, ijobiy hatti-harakatlarni qо‘llab-quvvatlash,
salbiy holatlarni muhokama qilish, о‘qituvchining shaxsiy namunasi va
ijobiy hatti-harakatlarni kо‘rgazmali kо‘rsatish muhim rol о‘ynaydi.
О‘quvchilarning organik olam va uning obyektlarini о‘rganishda,
о‘simliklar,
hayvonlarning rivojlanishi, ularning xilma-xilligi, hayotini
saqlab qolish va kо‘paytirish uchun qayg‘urishi, g‘amxо‘rlik qilishi,
yordam berishi haqidagi ilmiy bilimlar, muayyan kо‘nikma va
malakalarni tarkib toptirishga e’tiborini qaratishi zarur. Tabiat, inson va
jamiyat о‘rtasidagi munosabatlarni uyg‘unlashtirishda,
Yerda hayotni
saqlab qolishda biologik bilimlardan foydalanishning ahamiyati,
insonning tabiatga nisbatan insonparvarlashtirilgan munosabatining roli
kо‘rsatib о‘tiladi.