|
-modda. Ijtimoiy xizmatlar ko‘rsatuvchi tadbirkorlik subyektlarining ishtiroki
|
| bet | 6/14 | | Sana | 27.11.2023 | | Hajmi | 436,28 Kb. | | #106156 |
Bog'liq O‘RQ-415 26.12.2016-KEKSALAR, NOGIRONLIGI BO‘LGAN SHAXSLAR VA AHOLINING BOSHQA IJTIMOIY EHTIYOJMAND TOIFALARI UCHUN IJTIMOIY XIZMATLAR TO‘G‘RISIDA12-modda. Ijtimoiy xizmatlar ko‘rsatuvchi tadbirkorlik subyektlarining ishtiroki
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.02.00 Davlat ehtiyojlari. Davlat xaridlari;
2.09.00.00.00 Tadbirkorlik va xo‘jalik faoliyati / 09.01.00.00 Tadbirkorlik to‘g‘risidagi qonunchilik / 09.01.02.00 Tadbirkorlik subyektlari. Tadbirkorlik subyektlarini ro‘yxatga olish]
Ijtimoiy xizmatlar ko‘rsatuvchi tadbirkorlik subyektlari:
ijtimoiy xizmatlar sohasidagi davlat dasturlari va loyihalarni amalga oshirishda ishtirok etishi;
ijtimoiy xizmatlarga muhtoj shaxslarni aniqlashi va ularning hisobini yuritishi;
ijtimoiy xizmatlar ko‘rsatishi, shu jumladan internat, tibbiy-ijtimoiy va ta’lim-tarbiya muassasalarini tashkil etish yo‘li bilan ijtimoiy xizmatlar ko‘rsatishi, shuningdek ijtimoiy xizmatlar ko‘rsatilishiga ko‘maklashishi;
aholining ijtimoiy ehtiyojmand toifalarining ijtimoiy xizmatlarga bo‘lgan ehtiyojlarini aniqlash yuzasidan tadqiqotlar o‘tkazishi;
davlat xaridlari, korporativ xaridlar va boshqa xaridlar bo‘yicha tenderlarda (tanlovlarda) va birja savdolarida ishtirok etishi;
ijtimoiy xizmatlar ko‘rsatish, ijtimoiy xizmatlar sohasida boshqa ishlarni bajarish yoki loyihalarni amalga oshirish uchun shartnomalar tuzishi mumkin.
Oldingi tahrirga qarang.
Ijtimoiy xizmatlar ko‘rsatuvchi tadbirkorlik subyektlari qonunchilikka muvofiq boshqa chora-tadbirlarda ham ishtirok etishi mumkin.
(12-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
3-bob. Ijtimoiy xizmatlar ko‘rsatish shakllari va turlari
13-modda. Ijtimoiy xizmatlar ko‘rsatish shakllari
[OKOZ:
1.06.00.00.00 Ijtimoiy ta’minot va ijtimoiy sug‘urta to‘g‘risidagi qonunchilik. Ijtimoiy himoya / 06.08.00.00 Ijtimoiy xizmat ko‘rsatish / 06.08.02.00 Davlat muassasalarida (internatlar va qariyalar hamda nogironlar uylari) ijtimoiy xizmat ko‘rsatish;
2.06.00.00.00 Ijtimoiy ta’minot va ijtimoiy sug‘urta to‘g‘risidagi qonunchilik. Ijtimoiy himoya / 06.08.00.00 Ijtimoiy xizmat ko‘rsatish / 06.08.03.00 Uyda ijtimoiy xizmat ko‘rsatish;
3.06.00.00.00 Ijtimoiy ta’minot va ijtimoiy sug‘urta to‘g‘risidagi qonunchilik. Ijtimoiy himoya / 06.08.00.00 Ijtimoiy xizmat ko‘rsatish / 06.08.06.00 Ijtimoiy xizmat ko‘rsatishning boshqa turlari va shakllari]
Ijtimoiy xizmatlar quyidagi shakllarda ko‘rsatiladi:
ijtimoiy kuzatuv va maslahat berish xizmatlari;
uyda parvarishlash bo‘yicha ijtimoiy xizmatlar;
kunduzi va (yoki) qisqa muddat bo‘lish muassasalaridagi ijtimoiy xizmatlar;
internat muassasalaridagi ijtimoiy xizmatlar.
|
| |
