|
Pedagogika instituti
|
| bet | 40/152 | | Sana | 20.05.2024 | | Hajmi | 2,44 Mb. | | #245279 |
Bog'liq Klinika 2023й Равшанова И .Э.Altsgeymer sindromi – demensiyaning ko’p uchraydigan turi bo’lib, uni birinchi bo’lib 1906 – yilda nemis psixiatori Alois Altsgeymer aniqlagan. Odatda bu kasallik 65 yoshdan yuqorilarda ko’p uchraydi, lekin undan oldin ham uchrashi mumkin. Hamma odamlarda kasallik har xil kechadi, lekin ularning hammasida bir xil alomatlar kuzatiladi. Kasallikning boshlanish davrida qisqa xotiraning pasayishi kuzatiladi. Kasallik rivojlana borishi bilan xotira,nutq va aqliy o’ylash butunlay yo’qoladi. Organizm funksiyalarining buzilishi esa o’limga olib keladi.
Moyamoya kasalligi (yapon. Tutun, tuman) - noyob, rivojlanib boruvchi surunkali boosh miya tomirlarining kasalligidir. Bu kasallik uchun sekin – asta bosh miya ichki uyqu arteriyalari, bosh miyaning oldingi qismidagi va o’rta qimidagi arteriyalarning ular okklyuziyaga uchragunga qadar o’zgarib borishi xarakterlidir. Bu kasallikning yana bir jihati bu – miya asosida kollateral tomirlarning paydo bo’lishi natijasida angiogramma qilinganda yengil tutun hosil bo’lganga o’xshab ko’rinishidir. Aynan shu hodisa 1969 yilda kasallikka zamonaviy nom berdi. Yapon tilidan tarjima qilinganda “moyamoya” “tutun” degan ma’noni beradi.
Moya-moya kasalligining kelib chiqish sabablari hali to’lig’icha o’rganilmagan, lekin bu kassallikning asosiy sababi qilib genetik va oilaviy sabablar ko’rsatiladi. Kasallik juda kam uchraydi. Lekin hozirgi kunda bu kasallik AQSHda, Afrika mamlakatlarida va eng ko’p hollarda Yaponiyada kuzatilgan.
Moyamoya kasalligini davolash uchun jarroxlik muolajalaridan foydalaniladi. Dori – darmonlar bilan davolash esa faqatgina yordamchi vazifani bajaradi, kasallik rivojlanishini to’xtatmaydi.
Jarroxlik aralashuvining asosiy maqsadi bosh miyani qon bilan yaxshi ta’minlanishiga erishishdir. Jarroxlik operatsiyasini olib borishdan oldin, bemorning bosh miyasi perfuziya qilinadi va shunga qarab jarrohlik olib boriladi.
Mavzuni mustahkamlash uchun savollar:
1. Shartli refleksni qanday tekshiriladi?
2. Shartli refleksii hosil bo’lish tezligi va turg’unligi qanday?
3. Ovqatlanish va boshqa faoliyatlarga harakat shartli refleksi qanday hosil qilinadi?
4. Vaqtga hosil qilinadigan shartli reflekslar nima?
5. Shartli reflekslarni tormozlanishi nima?
6. I va P signal sistemasining o’zaro ta’siri qanday?
7. Bolalar nevrapatologiyasi haqida bilasizmi/
|
| |
