14
Diqqat qiling! O‘smirlar boshqalar unga nisbatan ko‘proq e'tiborli bo‘lishlari va
hurmat ko‘rsatishlarini, tengdoshlari ularga havas bilan qarashlarini istashadi. Ko‘pchilik
o‘quvchilar sinfda eng zo‘ri ekanligini ko‘rsatib qo‘yish, o‘z muvaffaqiyatidan
rohatlanish va rag‘batlanish maqsadida harakat qiladi.
Bu metod esa aynan shu kabi vaziyatda juda samara beradi!
Darsda faol ishtirok
ketgan yoki savollarga, vazifalarga to‘liq javob bergan
o‘quvchilarga "Motivatsion quti"dan foydalanish rag‘batini bering.
Demak, o‘rtacha kattalikda, chiroyli qilib bezatilgan qutiga turli xil kartochkalarni
solasiz. Kartochkalarga quyidagi jumlalar yozilgan bo‘lishi kerak:
"1. Eng zo‘r stul!"
Ushbu kartochkani tanlagan o‘quvchiga bir kun yoki bir hafta davomida o‘zi istagan
joyda o‘tirishiga ruxsat bering.
Tabiiyki, o‘quvchilar birinchi partada o‘tirishni
xohlashadi.
"2.Liderlik!"
O‘quvchiga 1 kun yoki 1 hafta mobaynida sinf sardori bo‘lishiga imkon bering.
"3.Qo‘shimcha tanaffus!"
Dars davomida o‘quvchiga qo‘shimcha tarzda 5-8 daqiqa tanaffus qilib olishiga
imkon bering.
"4.Uyga vazifani o‘tkazib yuboring!" Bir dars o‘quvchidan
uyga vazifani
so‘ramang.
"5.Tushlik hamda ustoz bilan suratga tushish!"
Bir kun o‘quvchingiz bilan suhbatlashib tushlik qiling va rasmga tushing. Bu
imkoniyat o‘quvchilar uchun kutilmagan va juda qiziqarli jarayon bo‘ladi. Qolaversa,
ustoz-o‘quvchi o‘rtasida samimiy aloqa o‘rnatilishiga yordam beradi.
O‘quvchilar yoshi va xohishiga ko‘ra ushbu listni uzaytirish mumkin!
Xuddi shu tarzda "Jazolar guldastasi"ni ham yaratishingiz mumkin. O‘quvchilarga
past baho qo‘yish, ota-onasiga xabar qilish, stul ko‘tartirib qo‘yishdan ko‘ra ular uchun
sevimli bo‘lgan biror narsani ta'qiqlab qo‘ying. Yoki jazo turini o‘zgartiring. Masalan:
1. Bir hafta davomida darsga 10 daqiqa oldin kelib hamma changlarni artish.
15
2. Bir kun doskani tozalash.
3. 2 kun tanaffusga chiqmaslik.
4. 3 kun navbatchilik qilish.
5. Yoqtirgan shirinligini yemaslik
.
Va hokazo.
Quyidagi rasmlarda “Motivatsion quti” metodini o’z o’quvchilarim
bilan
qo’llaganimni ko’rishingiz mumkin.
