|
Termiz davlat universiteti toshaliyeva s. T., A. M. Abdurahmonov iqtisodiyotga oid
|
| bet | 448/485 | | Sana | 10.07.2024 | | Hajmi | 0,64 Mb. | | #267286 |
Bog'liq TOSHALIYEVA S.T. IZOXLI LUG\'AT (2)KORXONANING XARAJATLARI – tovarlarni ishlab chiqarish va sotish bilan bog‘liq bo‘lgan sarflar, ya’ni iqtisodiy resurslarni topish, xarid etish va ulardan samarali foydalanish sarflaridir.
KORXONANING YALPI DAROMADI - mahsulotlar, boshqa moddiy qiymatlar sotish, xizmat ko‘rsatish, ulardan boshqa operatsiyalar natijasining qiymat ifodasi.
KORCHALON — o‘zini hammadan bilimdon deb hisoblovchi, bilarmon; ishbilarmon, epchil.
KOTIROVKA (fr.) — birjada chet el valutalari, qimmatbaho qog‘ozlar (aksiyalar va obligatsiyalar) yoki tovarlar bahosi kurslarini aniqlash; birjada qimmatbaho qog‘ozlar yoki tovarlar muomalasi; qimmatbaho qog‘ozlar, chet el valutalari, tovarlarning birja qiymatlari to‘g‘risida rasmiy e’lon qilish. K. odatda, tovar, fond yoki valuta birjasi maxsus organlari (odatda, kotiroval komissiyasi) tomonidan o‘tkaziladi va tovarlar ulgurji narxlari, qimmatbaho qog‘ozlar kurslari va chet el valutalari birja byulletenlarida chop etiladi. Birjada K. mamlakat u yoki bu tarmogida ishlab chiqarishning katta qismini nazorat qiluvchi cheklangan miqdordagi aksioner jamiyatlarning qimmatbaho qog‘ozlariga yo‘l qo‘yiladi. Chet el valutalari kurslari davlat valuta organlari tomonidan o‘rnatiladi, bunda rasmiy valuta qiymatlari bilan bir qatorda “chayqov” birjasi kurslari ham amal qiladi. Chet el valutasi K. asosiy ikkita metodi mavjud: bevosita va bilvosita. Eng ko‘p tarqalgan bevosita K. bo‘lib, bunda chet el valutasi birligi milliy valutada ifodalanadi.
KOTIROVKALASH — valuta kursini o‘rnatish.
KOTIROVAL KOMISSIYA — birjaning ishchi organi bo‘lib, uning asosiy vazifasi kotiroval narxlarni chiqarish, ularning harakatlarini analiz qilish, narxlar va tegishli analitik materiallar to‘g‘risida axborot e’lon qilish.
KOUS TEOREMASI — tasdiqlash fikrini bildiradi, bunga muvofiq noishlab chiqarish xarajatlari bo‘lmaganda tashqi ta’sir muammolari mulk huquqining dastlab kimga tegishliligidan qat’iy nazar, xususiy bitim tuzish orqali samarali hal etiladi.
|
| |
