|
LEPTA (yunon. lepton, lepta - yupqa, mayda)
|
| bet | 464/485 | | Sana | 10.07.2024 | | Hajmi | 0,64 Mb. | | #267286 |
Bog'liq TOSHALIYEVA S.T. IZOXLI LUG\'AT (2)LEPTA (yunon. lepton, lepta - yupqa, mayda) - 1) qadimgi yunon pul-hisob birligi; 2) qadimgi va hozirgi Gretsiya mayda chaqa tangasi.
LEV - 100 stotinkadan iborat Bolgariya pul birligi. U 1880 yil muomalaga kiritilgan.
LEVERAJ (ing. leverij) – 1) xususiy kapitalning o‘sgan qismi bo‘lib, xususiy kapital rentabelligi koeffisienti bilan jami investitsiyalar orasidagi farq koeffisienti olinadi; 2) Kapital solishning qayd qilingan daromadli qimmatbaho qog‘ozlarga nisbati (obligatsiyalar, imtiyozli aksiyalar) va qayd qilinmagan daromadli qimmatbaho qog‘ozlarga solish (odatdagi aksiyalar); 3) Tovar zahiralari va kapital summasi nisbati.
LEVEREJ - katta hajmda qarz mablag‘larini jalb etish va shu asosda qo‘shimcha foyda olish maqsadida xususiy sarmoyadan foydalanish.
LEY - Ruminiya pul birligi, 100 banga bo‘linadi. U 1867 - yilda muomalaga kiritilgan.
LEYBL — hozirgi zamon leksikasida tovar ishlab chiqarilgan mamlakat ko‘rsatiladigan tovar etiketkasi; ishlab chiqaruvchi firma (korxona, kompaniya), uning savdo markasi yoki firma belgisi va hokazolar. “Leybl” termini AQSHda paydo bo‘lgan, bu mamlakatda Amerika ishchilar ittifoqlari federatsiyasi tomonidan ana shu tovarlar Mehnat federatsiyasi tomonidan tavsiya etilganligi alomati sifatida tovarlarga bosiladigan alohida maxsus tamg‘a shunday atalgan edi.
LEYKERT SHKALASI (ingl. Likert scale) — bozorga oid dala tadqiqotlari instrument. Respondent besh balli shkala (masalan, “butunlay ma’qullayman”, “ma’qullayman”, “javob berishga qiynalaman”, “ma’qullamayman”, “butunlay ma’qullamayman”) bo‘yicha baholashi lozim bo‘lgan ta’kidlovlar turkumidan iborat bo‘ladi. Tovarlar, markalar yoki do‘konlarga oid tasavvurlar, fikr-mulohazalar munosabatlarni baholashda foydalaniladi.
“LEY-EVEY” - belgilangan narxning hammasini yoki bir qismini oldindan to‘lashga asoslangan sotuv amaliyoti.
LIBERAL MODEL - iqtisodiyotning o‘zo‘ zini boshqarishni bozor mexanizmi asosida qurilgan, davlat mulkchiligining oz ulushi, tovarlar va xizmatlar ishlab chiqarish jarayonida davlatning sezilarsiz to‘g‘ridan to‘g‘ri aralashuvi bilan tavsiflanuvchi model.
|
| |
