|
Didaktika tushunchasining mohiyati
|
| bet | 8/17 | | Sana | 21.05.2024 | | Hajmi | 39,77 Kb. | | #249306 |
Bog'liq Umumiy pedogogika fani8.Didaktika tushunchasining mohiyati.
Didaktikaning asosiy tushunchalariga ta‘lim, ta‘lim jarayoni, ta‘lim tamoyillari,ta‘lim metodlari, ta‘lim shakllari, ta‘lim vositalari, bilim, kо’nikma, malaka, о’qitish,о’qish va shu kabilar kiradi.
Didaktikaning bir birga o’xshash quyidagi ma’nolari ko’p ishlatiladi.
1.Didaktika so’zi yunoncha “didaktikos” so‘zidan kelib chiqqan bo‘lib, o‘qitish, o‘rganish ma’nosini bildiradi.
2.Didaktika (ta’lim nazariyasi) - (yunoncha “didaktikos” “o‘r gatuvchi”, “didasko” - “o'rganuvchi”) - ta’limning nazariy jihatlari (ta’lim jarayonining mohiyati, tamoyillari, qonuniyatlari, o‘qituvchi va o‘quvchi faoliyati mazmuni, ta’lim maqsadi, shakl, metod, vositalari, natijasi, ta’lim jarayonini takomillashtirish yo‘llari va hokazo muammolari)ni o‘rganuvchi fan.
3) Didaktika - pedagogikaning ta‘lim nazariyasi bilan shug’ullanadigan tarmog’i;
4) Didaktika bu - ta‘lim nazariyasi.
Ma’lumot – shaxsning о’qish, о’rganish natijasida о’zlashtirgan bilim, kо’nikmalari hajmi, yо’nalishi va darajasi
Bilim — o‘rganilgan ma’lumotlarni eslab qolish va qayta tushuntirib berish;
Bilim – о’quvchi va talabalarning tabiat, jamiyat, fan-texnika yutuqlari haqida hosil qilgan ma‘lumotlari. o’quvchi yoki talabalarga taqdim etiladigan nazariy ma‘lumot.
Ko‘nikma — o‘rganilgan bilimlarni tanish vaziyatlarda qo‘llay olish;
Kо’nikma – о’quvchi yoki talabaning о’zlashtirgan bilimlari asosida muayyan amaliy harakatni bajara olish faoliyati.
Malaka — o‘rganilgan bilim va shakllangan ko‘nikmalarni notanish vaziyatlarda qo‘llay olish va yangi bilimlar hosil qilish;
Malaka – о’quvchi yoki talabada muayyan о’quv materiali va kasbni chuqur о’zlashtirish natijasida hosil bо’lgan avtomatlashgan mahorat.
Kompetensiya — mavjud bilim, ko‘nikma va malakalarni kundalik faoliyatda qo‘llay olish qobiliyati
Usul - biror narsa, hodisa, jarayonni o‘rganish yoki amalga oshirish tartibi.
Uslub - biror narsa, hodisa, jarayonni o‘rganish yoki amalga oshirish uchun qo‘llash lozim bo‘lgan usullar majmuasi.
Ta’lim – о’quvchi va talabalarga bilim berish, ularni tarbiyalash,rivojlantirish kо’nikma va malakalar hosil qilish jarayoni, yoshlarni hayotga va mehnatga tayyorlashning asosiy vositasi.
Ta’lim axboroti – muayyan faoliyat turi, ixtisosini amalga oshirishda qо’llashi uchun ta‘lim oluvchiga taqdim etiladigan bilim.
|
| |
