BOSHLANG‘ICH SINF O‘QUVCHILARI BILIMINI BAHOLASHDA PIRLS
TADQIQOTLARIDAN FOYDALANISH IMKONIYATLARI
Dilova Nargiza Gaybullaevna
Buxoro Davlat Universiteti p.f. bo ‘yicha falsafa doktori (Ph.D)
Raxmatullayeva Nilufar Komiljonovna
Buxoro Davlat Unversiteti “Maktabgacha
va boshlang'ich ta'lim”1-kurs magistranti
Eng katta boylik – bu aql-zakovat va ilm,
eng katta meros – bu yaxshi tarbiya,
eng katta qashshoqlik – bu bilimsizlikdir!
Sh.Mirziyoev
Bugungi kunda O‘zbekistonni jahonga yuz tutishida va barcha sohalar bo‘yicha rivojlanishda oldinda
borayotgan davlatlar bilan raqobatbardosh bo‘la olishidagi asosiy talab - yoshlarga berilayotgan bilimning sifati
bilan belgilanmoqda. Bu haqda O‘zbekiston respublikasi Prezidenti Sh.Mirziyoyev o‘zining 2020 yil 24
yanvarda Oliy Majlisga Murojaatnomasida so‘zlagan nutqida “O‘zbekistonni rivojlangan mamlakatga
aylantirishni maqsad qilib qo‘ygan ekanmiz, bunga faqat jadal islohotlar, ilm-ma’rifat va innovatsiya bilan erisha
olamiz. Buning uchun, avvalambor, tashabbuskor islohotchi bo‘lib maydonga chiqadigan, strategik fikr
yuritadigan, bilimli va malakali yangi avlod kadrlarini tarbiyalashimiz zarur. Shuning uchun ham bog‘chadan
boshlab oliy o‘quv yurtigacha – ta’limning barcha bo‘g‘inlarini isloh qilishni boshladik. Nafaqat yoshlar, balki
butun jamiyatimiz a’zolarining bilimi, saviyasini oshirish uchun avvalo ilm-ma’rifat, yuksak ma’naviyat kerak.
Ilm yo‘q joyda qoloqlik, jaholat va albatta, to‘g‘ri yo‘ldan adashish bo‘ladi”10 deb ta’kidlab o‘tdilar. Zero ushbu
dasturul amalga asosan har bir O‘zbekiston fuqarosi uchun zamonaviy bilimlarni o‘zlashtirish, chinakkam
ma’rifat va yuksak madaniyat egasi bo‘lish uzluksiz hayotiy ehtiyojga aylanishi kerak.
Yosh avlodga sifatli ta’lim berishga to‘liq erishishda eng qisqa yo‘l raqamli bilimlar va zamonaviy
axborot texnologiyalaridan samarali foydalanishni o‘rganishdan iborat ekanligidan kelib chiqib,
mamlakatimizda ilm-fanni yanada ravnaq toptirish, yoshlarimizni chuqur bilim, yuksak ma’naviyat va
madaniyat egasi etib tarbiyalash, raqobatbardosh iqtisodiyotni shakllantirish borasida boshlagan ishlarimizni
jadal davom ettirishni zamonaviy bosqichga ko‘tarish maqsadida yurtboshimiz tomonlaridan 2020 yil “Ilm,
ma’rifat va raqamli iqtisodiyotni rivojlantirish yili”, deb nomlandi. Ushbu yil davlat dasturida belgilangan
vazifalar ijrosini ta’minlash, ta’lim sifati va samaradorligini oshirish yo‘lida horijiy ilg‘or tajribalarni o‘rganish,
xalqaro standartlar talablarining joriy etilishi muhim ahamiyatga ega. Bu borada umumiy o‘rta ta’lim tizimini
mamlakatda amalga oshirilayotgan ijtimoiy-iqtisodiy islohotlar, rivojlangan xorijiy mamlakatlarning ilg‘or
tajribalari hamda ilm-fan va zamonaviy axborot-kommunikatsiya texnologiyalariga asoslangan holda tashkil
etish, o‘quvchilar bilimini xalqaro baholash standartlari talablari asosida baholash to‘g‘risida hukumat qarori
qabul qilindi.
Ushbu qaror ijrosini to‘liq ta’minlash va belgilangan maqsadlarga erishishni kafolatlash har bir mahoratli
va kompetentli o‘qituvchi zimmasiga ulkan ma’suliyat yuklaydi. O‘quvchilarga ta’lim va tarbiya berishda
zamonaviy ta’lim yondashuvlariga asoslanish, o‘quvchiga do‘stona munosabatdagi muhitni yaratishga
yo‘naltirilgan pedagogik jarayonning yaxlit manzarasi sifatida o‘qituvchining pedagogik-psixologik
bilimdonligi muhim ahamiyat kasb etadi.
"O‘zbekiston Respublikasi xalq ta’limi tizimini 2030 yilgacha rivojlantirish konsepsiyasini tasdiqlash
to‘g‘risida"gi farmonida inson kapitalini shakllantirishning asosiy bo‘g‘ini bo‘lgan tizimda amalga oshirilishi
lozim bo‘lgan vazifalar va ularni hayotga tatbiq etish yo‘llari atroflicha belgilab berildi. Jumladan, unda
mamlakatimizning 2030 yilga kelib PISA (The Programme for International Student Assessment) -
o‘quvchilarning ta’lim sohasidagi yutuqlarini baholash bo‘yicha xalqaro dastur reytingida jahonning 30 ta ilg‘or
mamlakati qatoriga kirishiga erishish vazifasi qo‘yilgan bo‘lib, kelgusida mamlakatimiz ta’lim sifatini baholash
bo‘yicha quyidagi xalqaro tadqiqotlarda ishtirok etishi ko‘zda tutildi:
- PIRLS (Progress in International Reading and Literacy Study) - boshlang‘ich 4-sinf o‘quvchilarining
matnni o‘qish va tushunish darajasini baholash;
- TIMSS (Trends in International Mathematics and Science Study) - 4 va 8-sinf o‘quvchilarining
matematika va tabiiy yo‘nalishdagi fanlardan savodxonlik darajasini baholash;
10
O‘zbekiston respublikasi Prezidenti Sh.Mirziyoyevning 2020 yil 24 yanvarda
Oliy Majlisga Murojaatnomasida
so‘zlagan nutqidan
245
- PISA (The Programme for International Student Assessment) - 15 yoshli o‘quvchilarning o‘qish,
matematika va tabiiy yo‘nalishdagi fanlardan savodxonlik darajasini baholash;
- TALIS (The Teaching and Learning International Survey) - umumiy o‘rta ta’lim maktablari rahbarlari
va o‘qituvchilari bilan so‘rovnoma o‘tkazish orqali maktabda o‘qitish va ta’lim olish jarayonlari samaradorligini
baholash.
PIRLS - boshlang‘ich 4-sinf o‘quvchilarining matnni o‘qish va tushunish darajasini baholash ta’rifiga
ko‘ra, o‘qish savodxonligi jamiyat tomonidan talab qilinadigan va inson tomonidan qadrlanadigan yozma til
shakllarini tushunish va ulardan foydalanish, shuningdek, matnlardan turli shakllarda ma’no hosil qila olish
qobiliyatidir.11
Boshlang‘ich sinf o‘quvchilarining matnni o‘qish va tushunish darajasini baholashga asoslangan ta’lim-
tarbiya jarayonida dars maqsadlari o‘quvchilarning o‘quv-biluv faoliyatiga asoslangan holda belgilanadi, bu esa
ta’lim-tarbiya jarayonida yuqori natijaga erishishni kafolatlaydi, o‘qituvchi hamda o‘quvchilarning o‘zaro
hamkorligi va o‘quv harakatlarini aniq baholash imkoniyatini yaratadi.
XXI asrga xos xalqaro baholash dasturlari asosida o‘quvchilar bilimini baholash, o‘qitish va ta’lim
olishning zamonaviy usullaridan maqsadli foydalangan holda ularni yuqori darajadagi fikrlash ko‘nikmalariga
ega bo‘lishlarini ta’minlashga xizmat qiladi. O‘quvchilarni fikrlash chegarasidan tashqariga chiqishga, ijodiy,
samarali va odobli fikrlashga undaydi. Binobarin, mazkur muammolarning har birini qamrab oluvchi mavzular,
ko‘rsatmalar, sinf xona muhiti, baholash mexanizmi va texnik qo‘llanmalardan foydalanish kabi masalalarda
turli xil yondashuvlarga asoslanilgan holda kafolatlangan natijani ta’minlash, ko‘zlangan maqsadga erishishni
nazarda tutadi.
O‘quvchilar bilimini baholashda PIRLS tadqiqotlarining topshiriqlaridan foydalanish (“Xalqaro
tadqiqotlarda boshlang‘ich sinf o‘quvchilarining o‘qish savodxonligini baholash”metodik qo‘llanmasi) va unda
belgilangan baholash mezonlariga amal qilish ularda:
- o‘qish savodxonligining maqsadiga erishishda badiiy tajriba orttirish va axborot olish va undan
foydalanish;
-ko‘p qirrali, murakkab vazifalarni amalga oshirishga o‘rganish;
-har bir muammo xususida chuqur fikrlash va o‘z bilimini oshirib borishni boshqara olish;
-o‘z tengdoshlari, o‘qituvchilar va mutaxassislar bilan chuqur mulohazani talab etuvchi muhim vazifalarni
bajarishda hamkorlik qila olish;
-qarorlar qabul qilish, muammolarni hal etish va yangi fikrlar yaratishda texnologiyalardan foydalana
olish kabi kompetensiyalarni shakllanishiga ko‘maklashadi.
Matnni tushunish jarayonida quyidagilarga erishiladi
Matnni o’qish asosida diqqatni jamlash va aniq ma’lumotlarni to’plash;
Xulosa chiqara olish;
G’oya va axborotlarni tahlil qilish va uyg’unlashtirish;
Kontent va matn elementlarini baholash va tanqid qilish kabilar.
Natijada o‘quvchilarda: matnni to‘liq tushunish, matn elementlarini baholash, g‘oyalar va axborotlarni
tahlil qilish, muloqot qilish, ijodiylik va qiziquvchanlik, tanqidiy fikrlash va tizimli fikrlash, axborot va ommaviy
axborot vositalaridan foydalanish, shaxslararo va hamkorlik, muammolarni aniqlash, shaklga solish va
yechimini topish, o‘z-o‘zini yo‘naltirish, ijtimoiy mas’uliyat kabi hayotiy ko‘nikmalar shakllana boradi.
Boshlang’ich ta’limda o’qish fani o‘z oldiga bir qator maqsadlarni qo‘yadi. Unda ma’naviy-axloqiy
yo‘nalishlar ustuvorligi ko‘zda tutiladi. O‘quvchilar milliy adabiyotning, shuningdek, jahon adabiyotining eng
sara namunalarini o‘qish va tahlil qilish asosida ezgulik va yovuzlik, yaxshilik va yomonlik, go‘zallik va qusur
haqidagi xilma-xil talqinlarga duch kelishadi, ularga ongli va jonli munosabat bildirishadi, shular asosida
o‘zlaridagi axloqiy-ma’naviy fazilatlar majmuining shakllanishi va rivojiga imkon topishadi. Ularga nisbatan
ochiq hayotiy munosabatlarni aks ettirish zaruriyati esa o‘quvchilar og‘zaki hamda yozma nutqlarining
rivojida muhim omil vazifasini ado etadi.
O‘quvchilar turli davr va mamlakatlarda yaratilgan , turlicha dunyoqarash va e’tiqodlarni aks ettirgan,
badiiy asarlarning eng yuksak namunalari bilan tanishib boradilar. Shular asosida ularda olam va odamlarning
rang-barangligi, ularning takrorlanmasligi, ayni paytda olamning, butun bashariyatning bir butunligi haqidagi
tasavvur va qarashlari shakllanib, kengayib, mustahkamlanib boradi. Eng muhimi, u olam va odamga tegishli
bo‘lgan barcha hodisalarga emosional (hissiy) munosabat bildira oladigan darajaga ko‘tariladi, qarashlar,
dunyoqarashlar, nuqtai nazarlar xilma-xilligini kuzatish imkoniga ega bo‘ladi.
O‘qish fani bo‘yicha uzluksiz ta’lim tizimining majburiy ta’lim bitiruvchilari PIRLS asosida:
11
Xalqaro tadqiqotlarda boshlang‘ich sinf o‘quvchilarining o‘qish savodxonligini baholash” metodik qo‘llanmasi 2019
y. T.
246
o‘qish fanining estetik, tarbiyaviy, ta’limiy ahamiyati, so‘zning ifoda imkoniyatlari, so‘z orqali inson his-
tuyg‘ulari hamda tabiat manzaralarining tasvirlanishi, xalq og‘zaki ijodi, bolalar adabiyoti, o‘zbek va jahon
bolalar adabiyoti namunalari, adabiy tur va janrlar haqida umumiy bilimga ega bo‘lish;
o‘rganilgan asarlarga mustaqil ravishda baho berish; o‘rganilgan adabiy-nazariy tushunchalarning
qo‘llanilishiga doir test topshiriqlarini bajarish;
turli manbalar (darslik va o‘quv qo‘llanmalar, lug‘at, bolalar adabiyotlari)dan foydalanib, adabiy
mazmundagi axborotlarni izlash va foydalanish;
o‘rganilgan xalq og‘zaki ijodi, bolalar adabiyoti, jahon bolalar adabiyoti namunalaridan tegishli xulosalar
chiqarish, ibrat olish, yaxshi insoniy fazilatlarni o‘ziga singdirish, o‘rganilgan maqol, she’riy satrlar va boshqa
badiiy asarlardan kundalik og‘zaki so‘zlashuvlarda o‘rinli foydalanish, asar va uning qahramonlariga yozma va
og‘zaki tavsif berish, badiiy ijod namunalari (nasriy, she’riy)ni ifodali o‘qish, ularning mazmunini tushunish,
anglash va idrok etish. Badiiy matn yoki uning parchasini ifodali yod aytish, qayta hikoyalash, o‘zgalarga
tushuntirib berish, munosabat bildirish va baholay olish, og‘zaki va yozma nutqni boyitish, rivojlantirish,
tushunarli va ravon, og‘zaki hamda yozma nutqqa ega bo‘lish;
o‘quvchilarga adabiy ta’lim (o‘qish) adabiy o‘qishlar tarzida o‘rgatiladi. Bolaning o‘qish texnikasini
egallashi uchun, avvalo, uning savodxonlik darajasi shakllantiriladi, og‘zaki va yozma nutqi rivojlantiriladi,
tovush va so‘zlarni to‘g‘ri talaffuz etish o‘rgatiladi. Dastlab tanish, keyin notanish matn ifodali o‘qitilib,
o‘quvchidagi ko‘nikma, malaka aniqlanadi. Bunda miqdoriy ko‘rsatkich – o‘qish tezligi, ya’ni bir daqiqada
nechta so‘zni ravon o‘qiy olishi belgilanadi.Bolaning matn mazmunini to‘liq uqib olishi, qayta hikoyalashi,
shuningdek, o‘zgalar nutqini eshitib, tushunib olishi maqsad qilinadi.
Adabiyotlar
O‘zbekiston respublikasi Prezidenti Sh.Mirziyoevning 2020 yil 24 yanvarda Oliy Majlisga
Murojaatnomasida so‘zlagan nutqidan
Xalqaro tadqiqotlarda boshlang‘ich sinf o‘quvchilarining o‘qish savodxonligini baholash” metodik
qo‘llanmasi 2019 y. T.
O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat
inspeksiyasi veb-sayti: www.tdi.uz.
|
