15.6-rasm. Tom qoplamasining devorga birikishi
1- tashqi devor paneli; 2- mineral paxtali plita; 3- tsement-qumli qorishma;
4- dyubellar; 5- germetiklovchi mastika; 6- metall shayba; 7- himoyalovchi fartuk;
8- qo’shimcha ruberoid qatlamlari; 9- havo qatlami; 10- o’rama materialli tom qoplamasi;
11- birinchi qatlam yopishtirilgan nuqtalar; 12- chordoq orayopma paneli.
Tom ishlarini bajarishning barcha bosqichlarida asosning quruq holda bo’lishi nazorat
qilib boriladi. Agar tom yuzasida suv to’plansa uni maxsus mashina yordamida chiqarib
tashlanadi (15.7-rasm) va asos quritiladi.
4.7-rasm Tom qoplamasi asosidan suvni so’rib oluvchi mashina
1- so’rgich (nasadka); 2-bak; 3- suv to’kish shlangi; 4- elektr dvigateli; 5- elektr kabeli.
Issiq saqlagichni binoning yuqori qavat xonalarida hosil bo’ladigan suv bug’lari ta’sirida
namlanishidan himoyalovchi bug’dan himoyalovchi qatlam yuk ko’taruvchi asos (tom yopma
plitasi) sirtida hosil qilinadi. Bug’dan himoyalovchi qatlam yopishtiriladigan va surtiladigan
turlarga bo’linadi. Yopishtiriladigan bug’dan himoyalovchi qatlam ruberoidni qaynoq bitumli
yoki sovuq bitum-kukersolli mastika bilan yopishtirib hosil qilinadi. Surtiladigan bug’dan
himoyalovchi qatlamni hosil qilishda qaynoq bitumli yoki sovuq bitum-kukersolli mastikadan,
shuningdek polivinilxloridli yoki xlorkauchukli lakdan foydalaniladi.
Issiqlik izolyatsiyasi sifatida ishlatiladigan plitkasimon materiallar ularning turi,
xususiyatlari va qalinligiga bog’liq ravishda bir yoki ikki qatlam qilib yotqiziladi. Mineral
paxtali plitkalar qaynoq bitumli mastika bilan yopishtirilsa, boshqa turdagi (perlitbitumli, yengil
betonli) plitkalarni quruqlayin yotqizish mumkin. Plitkasimon issiq saqlagichlarni yotqizishda
ularni bir-biriga va asosga zich tegib turishi nazorat qilib boriladi. Issiqlik izolyatsiyasi sifatida
sochiluvchan materiallar ishlatilganda dastlab har 2...4m oraliqda rejalovchi reykalar o’rnatiladi
va ular oralig’iga 6sm dan ortmaydigan qalinlikda issiq saqlagichning birinchi qatlami
to’shaladi. Agar issiq saqlagichning loyihaviy qalinligi 6sm dan katta bo’lsa navbatdagi qatlam
dastlabki qatlamni shibbalagich yordamida zichlangandan so’ng to’shaladi. Sochiluvchan issiq
saqlagich sirtida tekislovchi qatlam hosil qilinadi.
Monolit issiqlik izolyatsiyasi rejalovchi reykalar bo’ylab, polosalarni oralatib to’shaladi.
Polosalar kengligi 4...6m ni, uzunligi 6...12m ni tashkil etadi. Yengil betonli issiq saqlagich
to’shalgandan so’ng titratgichli reyka bilan zichlanadi va silliqlanadi. Beton zaruriy
mustahkamlikni olgach, qoldirilgan polosalar betonlanadi. Monolit issiqlik izolyatsiyasi ishlari
tashqi havo harorati +5oS dan yuqori bo’lgan hollarda bajariladi. Yilning issiq oylarida
yotqizilgan beton qorishmasi tarkibidagi suv jadal bug’lanib ketmasligi uchun beton sirtiga qum,
yog’och qipig’i, matolar to’shaladi va kuniga 1-2 marta suv quyib turiladi. Yangi yotqizilgan
beton dastlabki soatlarda suyultirilgan bog’lovchi bilan gruntovka qilinadi. Agar monolit issiq
saqlagich sirti tekis, silliq va zaruriy nishabliklar hosil qilingan bo’lsa unga o’rama material yoki
mastikani to’g’ridan-to’g’ri, ya’ni tekislovchi qatlam hosil qilmasdan to’shash mumkin.
|
