15.3- rasm Tom nishabligining tom qoplamasi materialiga bog’liqlik grafagi
1-taxtachalar; 2-cherepitsa, asbesttsement varaqlar; 3-to’rt qatlamli o’rama materialli tom
qoplamasi; 4-uch qatlamli o’rama materialli tom qoplamasi; 5-himoya qatlamisiz tom
qoplamasi; 6-ikki qatlamli o’rama materialli tom qoplamasi;
7-unifikatsiyalangan to’lqinsimon asbesttsement varaqlar; 8-cherepitsa;
9-kuchaytirilgan profilli asbesttsement varaqlar; 10-po’lat varaq;
11-oddiy profilli asbesttsement varaqlar.
Tom nishabligi 2,5% gacha bo’lganda
o’rama materiallar to’rt qatlam qilib,
foydalaniladigan tomlarda besh qatlam qilib olinadi. Tom to’shamasi sirtida 20mm
qalinlikda
antiseptik mastikali himoya qatlami hosil qilinadi. Tom nishabligi 2,5...10% bo’lganda o’rama
materiallar uch qatlam qilib to’shaladi. Tom qiyaligiga bog’liq ravishda tom qoplamasi ikki
qatlamli va xatto bir qatlamli ham bo’lishi mumkin.
Eriydigan qatlamli o’rama materiallar tom nishabligi 0...1,5% bo’lganda uch qatlam,
nishablik 2% bo’lganda ikki qatlam qilib olinadi. Bunda ostki qatlam uchun changsimon sochma
qatlamli
material, ustki qatlam uchun yirik donador sochma qatlamli material ishlatiladi.
Nishablik katta bo’lgan hollarda tom qoplamasini yirik donador sochma qatlamli materialdan bir
qatlam qilib olishga ruxsat etiladi.
SHisha mato bilan simlanadigan
mastikali tom qoplamasi nishablik 2,5% gacha
bo’lganda to’rt qatlamli, 2,5...10% bo’lganda uch qatlamli qilib olinadi. Tom nishabligi 10...25%
bo’lganda ikki qatlam qilib olishga ruxsat etiladi. Bunda tom qoplamasi
sirtida bitumli yoki
bitum-rezinali mastikaga mayda toshlarni sochish yo’li bilan himoya qatlami hosil qilinadi.
