2022, № 1 “Pedagogik mahorat” Ilmiy-nazariy va metodik jurnal
57
Shamsiya ALIMOVA
Buxoro davlat universiteti
pedagogika kafedrasi oʻqituvchisi
OʻQUVCHILARDA OʻZ FAOLIYATLARINI BAHOLASH VA TASHXISLASH
KOʻNIKMALARINI SHAKLLANTIRISH
Maqolada oʻquvchilarda oʻz faoliyatini baholash va tashxislash koʻnikmasini shakllantirishning
pedagogik-psixologik asoslarini belgilash va aniqlash masalalari oʻz ifodasini topgan.
Kalit soʻzlar: oʻquvchi, faoliyat, baholash, koʻnikma, rivojlantirish, maqsad, xususiyat, tashxis.
В статье рассматриваются вопросы определения и определения педагогико-психологических
основ формирования умения оценивать и диагностировать свою деятельность у учащихся
начальных классов.
Ключевые слова: ученик, деятельность, оценка, умение, развитие, цель, особенность,
диагностика.
The article deals with the issues of defining and determining the pedagogical and psychological
foundations for the formation of the ability to evaluate and diagnose one’s activity in primary school
students.
Key words: student, activity, assessment, skill, development, goal, feature, diagnostics.
Kirish. Hozirgi kunda ta’lim tizimi oldiga oʻquvchilarda shunday koʻnikmalarni
shakllantirish
vazifasi turibdiki, bu koʻnikmalar jadal rivojlanayotgan jamiyatga shaxsning moslashuvini ta’minlashga
xizmat qilishi lozim. Shuningdek, uzluksiz ta’lim tizimida yangi malakalarni egallashga imkoniyat yaratilishi
talab etiladi. Bu jarayonda oʻquvchida
hayotiy vaziyatlar, holatlar,
betaraf obyektlar, shaxsiy bilim va
koʻnikmalar, muayyan faoliyatning egallanganlik darajasini baholash va tashxislash koʻnikmasi shakllangan
boʻlishi lozim.
Oʻquvchilarda oʻz faoliyatlarini baholash va tashxislash koʻnikmalarining
shakllanishi natijasida
ularda talabchanlik, tanqidiy nuqtayi nazar qaror topa boradi.
Oʻquv-biluv jarayoninig samaradorlik darajasi nafaqat oʻquvchining bilimlarini yaxshi oʻzlashtirishi,
balki uning oʻz faoliyatini baholash jarayonining holatiga ham bogʻliq. Oʻquvchilarning oʻquv-biluv
jarayonidagi yutuqlari ularda oʻz faoliyatlarini baholash koʻnikmalarining shakllanganlik darajasi bilan
belgilanadi. Shuning uchun oʻqituvchi oʻquv topshiriqlarini takomillashtirish davrida oʻquvchilarda oʻz
faoliyatlarini baholash koʻnikmalarini shakllantirishni maqsad qilib qoʻyishi kerak.
