15
ko‘payadi (shizogoniya). Jinssiz ko‘payish natijasida har bir sporozoiddan 60-80 ta
merozoidlar hosil bo‘ladi. Merozoidlar ichak hujayrasini bo‘zib chiqib yangi
epiteliy hujayrasiga kirib oladilar. Shunday qilib shizogoniya davri bir necha marta
takrorlanadi, so‘ngra esa jinssiz ko‘payish jinsiy ko‘payish (gametogoniya) bilan
almashinadi.
Jinsiy ko‘payish jarayonida merozoidlar etilmagan jinsiy hujayralarga
(mikro- va mikrogametatsitlarga) aylanadi. Har bir makrogametatsit etilib
makrogametaga, mikrogametatsit esa mikrogametaga aylanadi. Shundan so‘nggina
har ikki gameta qo‘shilib otalangan tuxum hujayra - zigotaga, zigota esa po‘sti
hosil qilib, unga o‘raladi va ootsistaga aylanadi. Ootsista ichak bo‘shlig‘iga tushadi
va quyon ekskrementi bilan tashqi muhitga chiqadi. Tashqi muhitda ma’lum
temperature, namlik va kislorod ta’sirida ootsistalarda: dastlab 4 ta sporablastlar,
hosil bo‘ladi, har bir sporablastda esa 2 ta dan sporazoid paydo bo‘ladi. Tashqi
muhit ta’sirotiga chidamlilik orttirish uchun sporozoitlar maxsus spora hosil qiladi.
