Atrof-muhit holati to‘g‘risida milliy ma’ruza: O‘zbekiston

Download 2,81 Mb. Pdf ko'rish
bet	19/107
Sana	16.06.2024
Hajmi	2,81 Mb.
	#264081

1 ... 15 16 17 18 19 20 21 22 ... 107

Bog'liq
uzbekistan-state-of-the-environment-uz

3.6 Orol dengizi mintaqasi
Orol dengizi havzasi jahon hamjamiyatining e’tibori ortib borayotgan mintaqa, shuningdek, Orol
inqirozini hal etishda xalqaro hamkorlik maydoni hamdir. Orol dengizining qurishi bilan bog‘liq
mintaqadagi ekologik vaziyat xalqaro ahamiyatga ega muammo sanalib, uni saqlab qolish va
barqaror rivojlantirish global hamda mintaqaviy darajada muhim ahamiyatga ega. 2021-yilda
O‘zbekiston Prezidenti Sh.M. Mirziyoyev «Birlashgan Millatlar Tashkiloti Bosh Assambleyasining
2021-yil 18-maydagi «Orolbo‘yi mintaqasini ekologik innovatsiyalar va texnologiyalar hududi deb
e’lon qilish to‘g‘risida»gi maxsus rezolyutsiyasini amalga oshirish choralari to‘g‘risida»gi qarorni
imzoladi (29.07.2021-y., PQ–5202-son).
Global yashil o‘sish instituti bilan birgalikda Orol dengizi tanazzuli oqibatlarini bartaraf etish
maqsadida Qoraqalpog‘iston Respublikasi hududlarining yashil tiklanishini moliyalashtirishga
qaratilgan loyiha amalga oshirilmoqda (2021–2024-yy.). Loyihani amalga oshirish jarayonida
Orol dengizining kompleks muammolari tizimli darajada hal etiladi, bu esa, Qoraqalpog‘istonning
rivojlanish trayektoriyasini yashil o‘sish modeliga yo‘naltirish, shuningdek, aholining ekologik
ofatlarga bardoshliligi va barqaror ishbilarmonlikni yaratish qobiliyatini oshirish orqali ularning
hayotiy faolligini tiklash bo‘yicha aniq chora-tadbirlarni amalga oshirish imkonini beradi. Shu
maqsadda eng ko‘p zarar ko‘rgan hududlarda 113 ming kishining turmush tarzini moslashtirish
va hayotiy faolligini ta’minlash choralari ko‘rilmoqda, 1587 ta fermer va tadbirkor agrobiznes
modellariga ega bo‘ladi, 500 ta fermer, mikro-, kichik va o‘rta korxonalar tashkil etiladi.
«Orolbo‘yi suv-botqoq, ko‘llar va o‘tloq yerlar ekotizimlarini saqlash va ulardan barqaror
foydalanish» loyihasi Qoraqalpog‘iston Respublikasida 2 mln. 400 ming gektardan ortiq
maydonda yangi tashkil etilgan 5 ta muhofaza etiladigan tabiiy hududni qo‘llab-quvvatlash va
shu orqali barcha turdagi hayvonot va o‘simlik dunyosini muhofaza qilishning hududiy shaklini
ta’minlashga qaratilgan.

14
Atrof-muhit holati to‘g‘risida milliy ma’ruza: O‘zbekiston
Nihoyat, 2020-yilda BMTTD bilan birgalikda Orol dengizi tubini ko‘kalamzorlashtirish bo‘yicha
«Yashil Orol – yashil Orol dengizi» kraudfanding tashabbusi ishga tushirildi. BMTning Taraqqiyot
dasturi va respublikaning bir qator vazirlik va idoralari o‘rtasida o‘zaro anglashuv memorandumi
imzolandi. Ushbu tashabbus doirasida Orol dengizining qurigan tubida 34 mingdan ortiq
ko‘chat ekildi.

Download 2,81 Mb.

1 ... 15 16 17 18 19 20 21 22 ... 107

Download 2,81 Mb.

Pdf ko'rish