202
Somatik patologiyasi bo‘lgan barcha homiladorlar albatta terapevtlar
maslahatidan o‘tadi (kerak bo‘lsa tor mutaxassislar bilan).
Homiladorlar patologiyasi bo‘limi quyidagilardan tashkil topgan:
1.
Homiladorlar
uchun xonalar;
2.
Intensiv terapiya xonasi (xonalari);
3.
Manipulyatsiya xonasi;
4.
Muolaja xonasi.
Homiladorlar patologiyasi bo‘limining ishlash tartibi somatik
statsionarning
ishlash
tartibiga
tenglashtiriladi.
Homiladorlar
patologiyasi bo‘limini rejalashtirishda
homiladorlarni akusherlik
kompleksini boshqa bo‘limlarini chetlab o‘tgan holda yotqizilishini
hisobga olish kerak.
Akusherlik bo‘limi.
Akusherlik bo‘limi tug‘ruq zallaridan
(tug‘ruq xonalari), tug‘ruqdan
keyingi xonalar, yuqumli kasalliklari
bo‘lgan ayollar
uchun alohidalangan xonalar, operatsiya bloki hamda
sanitar xonalaridan tashkil topadi. Akusherlik bo‘limlari koykalar soniga
qarab bitta yoki ikkita bo‘lishi mumkin (I akusherlik bo‘limi va II
akusherlik bo‘limi). Ikkala bo‘limlar bir xil bo‘lib, tug‘ruqni qabul qilish
va tug‘ruqdan keyingi davrni olib borishga mo‘ljallangan.
Atrofdagilar
uchun xavf tug‘diruvchi yuqumli kasalliklarning klinik belgilari
namoyon bo‘lgan ayollar alohida xonalarga joylashtiriladi.Tug‘ruq
zalida xodim aseptika va antiseptika qoidalariga
rioya qilgan holda ish
yuritadi.
Tug‘ruqdan keyingi bo‘lim.
Akusherlik bo‘limining tug‘ruqdan
keyingi xonalari soni bo‘limdagi o‘rinlar soniga bog‘liq bo‘ladi.
Bo‘limda quyidagilar nazarda tutilishi kerak:
- tug‘uvchi ayollarni ginekologik kresloda ko‘ruv xonasi;
- manipulyasiya xonasi;
- vaksinalar saqlanadigan xona (muzlatgich bilan);
- ovqatni oshxonadan tarqatish uchun xona;
- dush xonasi;
- qo‘l yuvish va idishlarni zararsizlantirish uchun qo‘shimcha rakovinasi
bo‘lgan sanitar xona.
Akusherlik bo‘limlarining barcha tug‘ruqdan keyingi xonalari
tug‘ruqdan keyin ayollar va chaqaloqlarni birga turishi printsipi asosida
tashkil qilingan bo‘lishi kerak. Kasallik
holatlarida chaqaloq
ixtisoslashgan yordamning II bosqichiga ya’ni onasi bilan chaqaloqlar
patologiyasi bo‘limiga o‘tkaziladi. Psixozi bo‘lgan
ayollar yonida
203
tug‘ruqdan keyin doimiy ravishda yaqinlari yoki tibbiy xodim bo‘lishi
lozim.
